¿Kansion yebiti dre dre raba nemen gare nie?

¿Kansion tä JW Broadcasting® yete ye meden meden tuin bäri kwin mäi? aune ¿ñobätä? ¿Kukwe tärä nakainkä nibätä ye kwrere mikata tuare video musikabe yete? Musika jene jene aune tä ükaninte kukwe keta kabrebiti aisete musika ruäre raba nemen tuin kwin nie. Akwa kansion aune video musikabe ye ñaka ja näkwitara jerekäbe.

Kansion jökrä ye raba kukwe driere ja töi kräke nie aune raba ni dimike kukwe driekänti arato. Kansion ruäre ye tä blite ja ngwandre mantiame, ni tädre keteitibe, ja ketamuko, ja ngwandre dite, ja tare aune tödeka yebätä. Mada abokän tä blite ni jatadreta Jehová kokwäre, ngite juandre ta ni madabiti, ja ngwandre metre köbö kwatire kwatire te aune kukwe madabiti sribidre Jehová kräke yebätä. Aune kansion keteiti tä ni dimike ne kwe nikwe ñaka ja näkwitadre krubäte teléfono yebiti. ¿Kansion keta kabre ye mä dimikanina ño?

VIDEO MUSIKABE KITERA NÜKE YE MÄKWE TUA, BITI KUKWE NGWANTARITA NE MÄKWE MIKA GARE:

• ¿Nitre gure niena umbre tä töbike kukwe meden käbämikata yebätä? (Gé 12:3).

• Jehovata kukwe käbämike ye mikai nemen bare jökrä kwe yei nikwe tö ngwandre bäri, ¿yekäre ni raba dre nuainne?

• ¿Ni köböra nire nire tuinta?

• Gobran Ngöbökwe tä kukwe käbämike, ¿ye tä ni dimike ño ja tuakäre kukwe ketakabre tä ni kisete yebe? (Ro 8:25).