SASHE NA 3

Yaya Rayuwa Take a Lambun Adnin?

Jehobah ya ba Adamu da Hauwa’u abubuwa da yawa masu kyau. Farawa 1:28

Bayan da Jehobah ya gama halittar Hawa’u, sai ya mika ta ma Adamu

Jehobah ya halicci mace ta farko, Hauwa’u, kuma ya miƙa ta ga Adamu don ta zama matarsa.—Farawa 2:21, 22.

Jehobah ya halicce su da kamiltaccen jiki da hankali; ba tare da wani aibi ba.

Adamu da Hawa’u suna kallon abubuwan da Jehobah ya halitta a adnin

Lambun Adnin ne gidansu, kuma wuri ne kyakkyawa mai koguna da ’ya’yan itatuwa da dabbobi.

Jehobah ya yi magana da su; kuma ya koyar da su. Idan suka saurare shi, za su rayu har abada a cikin Aljanna a duniya.

Allah ya ce kada su ci ɗaya daga cikin itatuwan. Farawa 2:16, 17

’Ya’yan itacen da Allah ya ce wa Adamu Hawa’u kada su ci a gonar Adnin

Jehobah ya nuna wa Adamu da Hauwa’u wani itace mai ’ya’ya a cikin lambun kuma ya gaya musu cewa idan suka ci ’ya’yansa, za su mutu.

Mugun malai’ika, wato Satan Iblis, ya yi amfani da maciji don ya yi magana a Hawa’u

Ɗaya daga cikin mala’ikun ya yi wa Allah tawaye. Wannan mugun mala’ikan shi ne Shaiɗan Iblis.

Shaiɗan ba ya son Adamu da Hauwa’u su yi biyayya ga Jehobah. Saboda haka, ya yi amfani da maciji ya gaya wa Hauwa’u cewa idan ta ci daga ’ya’yan itacen, ba za ta mutu ba, amma za ta zama kamar Allah. Hakika, wannan ƙarya ce.—Farawa 3:1-5.