SASHE NA 9

A Yaushe Ne Duniya Za ta Zama Aljanna?

Matsalolin da ke faruwa a duniya sun tabbatar da cewa Mulkin Allah zai ɗauki mataki ba da daɗewa ba. Luka 21:10, 11; 2 Timotawus 3:1-5

Matsalolin da za a fuskanta a kwanaki na karshe—caca, yake-yake, cututtuka, rashin abinci, yara za su ma iyayensu taurin kai, kuma za rika cin zalin mata a gida

Littafi Mai Tsarki ya annabta abubuwa da yawa da suke faruwa a yau. Ya ce mutane za su zama masu son kuɗi, marasa bin iyaye, masu zafin hali, da masu son annashuwa.

Za a yi manyan girgizar ƙasa, yaƙe-yaƙe, ƙarancin abinci, da cuta a wurare dabam-dabam. Waɗannan abubuwan suna faruwa a yau.

Wani Mashaidin Jehobah yana ma wani mutum wa’azi game da Mulkin Allah

Yesu ya ce za a yi wa’azin bisharar Mulki a dukan duniya.—Matta 24:14.

Mulkin zai cire dukan mugunta. 2 Bitrus 3:13

Ana hallaka mugaye a yakin Armageddon, kuma ana azabtar da Satan da aljannunsa

Ba da daɗewa ba, Jehobah zai halaka dukan mugaye.

Za a hukunta Shaiɗan da aljanu.

Yesu yana zaune a kursiyinsa a sama kuma mutane daga kabilu dabam-dabam suna murna

Waɗanda suka saurari Allah za su shiga sabuwar duniya, inda mutane za su amince da juna kuma su ƙaunaci juna, kuma jin tsoro zai zama tsohon labari.