Ochiyibukire si?

Aliko si, wanasomere bwinja amagazeti m’Omunara g’Omulanzi ma gunola mwaka? Lolaga akaba wakagala kushubiza kw’ebila bibazo bikulikireho:

Nka gurhe rhwayunguka amango rhwamageza akasanzi rhuli rhwaganira, rhwayunviriza, n’okuwaza ku Yehova?

Rhwarhola esimikiro zinja, rhwaba balimu benja, obwemere bwerhu bwakomera, n’obuzigire bwerhu ku Yehova bwakomera bwenene.—w22.01, buk. 30-31.

Burhabale buhe rhwapata amango rhwamayiga kulangalira Yehova n’abarhumwa bage?

Kanola k’asanzi rhwakayigamo kulangalira okuntu Mungu anajira ebintu omu kurhagwarha engangane oku bilolere obwerekezi n’esimikiro abashamuka barholere. Amango amalibuko makulu marhoga, njirhwaba tayari kukenga chiro rhwakahaabwa obwerekezi bubonekene nka burhayunvikene changwa burhafarhene n’obwenge.—w22.02, buk. 4-6.

Bichi malayika ashondaga kuderha amango abwira Zekaria oku “akamba k’okupima enivo kaliri omu fune ya [Guvernere] Zerubabeli”? (Zek. 4:8-10)

Echola chibonekezi chalirhumire abantu ba Mungu bachizera oku ehekalu y’olugero bali bayumbaka yahwa yanaba eyeneze byoshi amakanuni ma Mungu mahemere.​—w22.03, buk. 16-17.

Nka gurhe rhwakaba “mufano . . . omu kuderha”? (1 Ti. 4:12)

Rhwaderha n’obwirhonzi n’obukenge omu mahubiri, rhwayimpa n’omurhima goshi, okuhaana ebishubizo oku kahunda oku mbuganano, rhwaderha okuli, okuyumbaka abandi, n’okurhakolesa ebinwa bibi.​—w22.04, buk. 6-9.

Nka gurhe ebimanyiso bya binyalubala bine (bami) biganinirwe omu bulebi bwa Danieli sura ya 7 biheberwe haguma oku kuderhera echinya-lubala chiganirirwe omu Ufunuo 13:1, 2?

Echinya-lubala chiganirirwe omu Ufunuo sura ya 13 chirhashushanyize bwami buguma, nk’obwe Rome. S’ahubwe chishushanyize amarhegesi moshi m’epolitike mamarhambula abantu.​—w22.05, buk. 9.

Njira ehe nkulu rhwakayerekanamo oku rhulangalire okunali kwa Mungu?

Nka muntu mulebe arhudukangire, arhugoseze, changwa kurhugomera, rhurhamubikira omujinya oburhe changwa kumuyunvira oburhe, rhwaleka ebintu omu maboko ma Yehova. Njakulaho ebibi byoshi echaha chalerhere.​—w22.06, buk. 10-11.

Bichi mwene-werhu waderha esala oku mbunganano akwanene kubika omu bwenge?

Esala lirhakwanene kukoleswa omu kuhanula echibaga changwa kumenyesa abantu emyazi. Ahanene oku murhondero gw’embuganano, birhahemere kukolesa “binwa binene.” (Mt. 6:7)​—w22.07, buk. 24-25.

Mu njira ehe “balala balikoomere kukola amaligo” nji bagwarha “obufuuke b’okuchirwa olubanja”? (Yohana 5:29)

Njibarhachirwa olubanja l’okuhaabwa obuhane omu kuyumangira oku bibajiraga mira omu kalamo. Njibagererezwa oku kuyumangira oku borhere n’ebijiro njibakola enyuma y’okufuuka kwabo.​—w22.09, buk. 18.

Chintu chihe chihebere omurhima Rutherford aderhaga oku mbuganano omu Mwezi gwa 9, 1922?

Oku mbuganano yajirwaga omu Cedar Point, Ohio, Etats-Unis, aderha ntya: “Omwami ali arhambula! Mukwanene kubwira buli muntu ogola mwazi. Bobola, mutangaaze, mutangaaze, mutangaaze, Omwami n’Obwami bwage!”​—w22.10, buk. 3-5.

Isaya sura ya 30 eshambere bwenene ku njira esharhu zihe Mungu anakolesa omu kurhurhabala rhulembere?

Eyila sura erhuyerekere oku (1) anayunviriza n’okushubiza oku masala merhu, (2) anarhuhereza obwerekezi, na (3) anarhugisha zene nj’anajira ntyo omu mango mayinjire.​—w22.11, buk. 9.

Bulagurhe rhwakaderha oku ebinwa bili omu Zaburi 37:10, 11, 29 byaliyenere mira kandi njibyashuba kuyenera omu mango mayinjire?

Ebinwa bya Daudi byaliyerekene emigisho Abaizraeli bapataga, nk’omu mango m’oburhegesi bwa Sulemani. Amango Yesu aderhaga oku bilolere eparadizo y’amango mayinjire aligalukire omustari gwe 11. (Mt. 5:5; Lu. 23:43)—w22.12, buk. 8-10, 14.