Ang mga “Cassette” Nagbag-o sang Iya Kabuhi

Ang isa ka Saksi sa Barbados nagatuon sing Biblia upod sa isa ka pamatan-on nga may utod nga marinero. Ining marinero nakalakbay sa luwas kag napaslawan sa iya nakita sa relihion. Ginyaguta niya ang interes sang iya utod sa Biblia. Bisan nagaduhaduha, ginbaton niya ang pila ka literatura sa Biblia kag pila ka cas­sette tape sa Biblia, nga gindala niya sa iya masunod nga paglakbay. Sang makalab-ot sia sa Aus­tralia, nabasa na niya ang bug-os nga literatura kag napamatian ang mga tape. Luyag niya makahibalo sing kapin pa. Natabuan nga ang Australianhon nga mga Saksi nagduaw sa iya barko, kag malipayon nga nagbaton sia sing dugang pa nga literatura sa Biblia.

Pagligad sang pila ka bulan sa dagat, nagbalik sia sa Barbados—isa ka nagbag-o nga tawo. Nag-untat sia sa pagyupyop sing tabako kag marijuana, sa pagsugal kag sa pag-inom, kag ginbiyaan niya ang iya imoral nga mga dalanon. Sang ulihi ginbawtismuhan sia. Ano ang kabangdanan sang iya pagbalhin? Sa pagpalab-as sang nagligad sia nagsiling: “Ang mga tape sang Biblia amo ang nagbukas sang Kasulatan sa akon kag ginhimo sini nga mahapos ko hangpon ang mga kamatuoran sang Biblia.”