Pamangkot

◼ Ano ang dapat naton dumdumon kon nagasulat sa mga tagbalay nga indi naton maabtan sa ila puluy-an?

Sa iban nga mga lugar, labi pa gid nga nagabudlay nga masugilanon ang mga tawo kon nagaduaw kita sa ila mga puluy-an. Nasapwan sang pila ka manugbantala ang paghimo sing sulat subong isa ka praktikal nga paagi agod malab-ot sila. Bisan pa may maayo ini nga mga bunga, dapat binagbinagon ang pila ka pahanumdom agod malikawan ang dikinahanglanon nga mga problema:

Indi paggamita ang return address sang Sosiedad. Magapanugda ini sing dinagakaigo nga ginpadala ang sulat halin sa aton mga opisina, nagatuga sing dikinahanglanon nga mga problema kag kon kaisa sing dugang pa nga gastos.

Pat-ura nga husto ang imo direksion kag selyo.

Indi pag-ipadala ang sulat sa “Occupant”; gamita ang espesipiko nga ngalan.

Ang malip-ot nga mga sulat amo ang labing maayo. Maglakip sing tract ukon magasin sa baylo nga magsulat sing malaba nga mensahe.

Ang namakinilya nga mga sulat mas mahapos basahon kag nagahatag sing mas maayong impresyon.

Ang sulat indi mahimo maisip nga pagduaw-liwat luwas lamang kon personal nga napanaksihan mo na anay ang indibiduwal.

Kon nagasulat ka sa tawo nga nagpakita anay sing interes, dapat mo ihatag ang imo direksion ukon numero sang telepono agod mahimo ka mapakig-angutan. Ipaathag ang aton programa sang pagtuon sa Biblia.

Agdaha sia sa mga miting sang lokal nga kongregasyon. Ihatag ang direksion kag oras sang miting.