Mga Miting Sa Serbisyo Para Sa Enero
Semana sang Enero 6-12
Ambahanon 6
10 min: Lokal nga mga pahibalo kag Mga Pahibalo gikan sa Ang Aton Ministeryo sa Ginharian.
20 min: “Sangkol kag Nasangkapan sa Pagtudlo sa Iban.” (Parapo 1-6) Magkomento sing malip-ot sa parapo 1-2, nian ipapasundayag sa duha ka manugbantala-tagbalay nga paris ang mga presentasyon sa parapo 3-6, nga ginapakita sang kada paris kon paano maghimo sing nahauna nga pagduaw kag pagduaw liwat.
15 min: “Kinahanglan Mo Gid Bala nga Mangayo sing Pasaylo?” Pamulongpulong sa artikulo sa Septiembre 15, 1996 nga Lalantawan, pahina 22-4.
Ambahanon 14 kag nagatakop nga pangamuyo.
Semana sang Enero 13-19
Ambahanon 16
10 min: Lokal nga mga pahibalo. Report sa kuwenta. Repasuha man ang artikulo, “Bag-ong Programa sang Pinasahi nga Adlaw nga Asambleya.”
17 min: “Sangkol kag Nasangkapan sa Pagtudlo sa Iban.” (Parapo 7-9) Ipapasundayag sa eksperiensiado nga manugbantala ang mga presentasyon sa parapo 7-8. Bisan pa natanyag na ang iban pa nga mga publikasyon, dapat kita manikasog nga madumalahan sa ulihi ang mga pagtuon sa Ihibalo nga libro.
18 min: Tion Na Agod Bag-uhon ang Advance Medical Directive/Release Card. Ang sangkol nga gulang nagahinun-anon sang importansia sang kompleto nga pagsulat sa kard kag sang pagdala sini sa tanan nga tion. Ining dokumento nagasugid para sa imo kon indi ka makahambal para sa imo kaugalingon sa tion sang emerhensia. (Ipaanggid ang Hulubaton 22:3.) Ang bag-ong kard dapat sulatan kada tuig sa paghatag sing bag-ong deklarasyon tuhoy sa pagdumili sa dugo. Pagkatapos sang miting, ang tanan nga bawtismado nga mga manugbantala pagahatagan sing Advance Medical Directive/Release nga kard, kag ang mga may dibawtismado nga menor-de-edad nga kabataan makabaton sing Identity Card para sa kada bata. Ipaathag nga ining mga kard indi dapat sulatan sa tion sang miting. Dapat ini sulatan sa balay apang INDI pagpirmahan. Ang pagpirma, pagsaksi, kag pagpetsa sa tanan nga kard pagahimuon pagkatapos sang masunod nga Pagtinuon sa Libro sang Kongregasyon, sa idalom sang pagdumala sang konduktor sang pagtinuon sa libro. Tan-awon niya nga ang tanan nga gintangdo sa iya grupo nakabaton sing isa ka kard. Dapat makita sing aktuwal sang mga nagapirma subong mga saksi ang pagpirma sang tag-iya sang kard sa dokumento.
Ambahanon 15 kag nagatakop nga pangamuyo.
Semana sang Enero 20-26
Ambahanon 21
10 min: Lokal nga mga pahibalo.
15 min: “Ang Tanan nga Sahi sang Tawo Maluwas.” Pamangkot kag sabat.
20 min: “‘Pag-aman sa Panimalay sang Isa.’” Pamulongpulong pasad sa artikulo sang Oktubre 1, 1996 nga Lalantawan, pahina 29-31.
Ambahanon 23 kag nagatakop nga pangamuyo.
Semana sang Ene. 27–Peb. 2
Ambahanon 20
15 min: Lokal nga mga pahibalo. Repasuha ang “Pamangkot.”
15 min: “‘Ibantala Naton ang Pulong.’ ” Pamangkot kag sabat.
15 min: Repasuha ang Tanyag nga Literatura sa Pebrero. Ipakita ang makawiwili nga mga bahin sang Creation nga libro, subong sang: (1) Talalupangdon nga titulo sang mga kapitulo, (2) maduagon nga mga ilustrasyon, (3) nagatudlo nga mga kahon kag mga tsart, kag (4) makapulukaw nga naimprinta nga mga pamangkot. Nahisanto sa naunang bahin sa miting, palig-una ang paggamit sing napili-sing-maayo nga kasulatan sa presentasyon. Ipasundayag ang isa ukon duha ka presentasyon.
Ambahanon 26 kag nagatakop nga pangamuyo.