Mga Miting Sa Serbisyo Para Sa Pebrero
Semana sang Pebrero 3-9
Ambahanon 27
10 min: Lokal nga mga pahibalo kag Mga Pahibalo gikan sa Ang Aton Ministeryo sa Ginharian. Mga Balita Teokratiko.
15 min: “Makigbahin sa Hilikuton nga Indi Na Maliwat.” Pamangkot kag sabat.
20 min: “Pagtanyag sing Maayong Balita Nga May Pagkahilingagawon.” (Parapo 1-5) Pagkatapos sang malip-ot nga komento sa parapo 1, ang utod nga may bahin magahinun-anon sang parapo 2-5 upod sa duha ukon tatlo ka manugbantala. Ginarepaso nila ang talalupangdon nga mga punto sa ginpanugda nga mga presentasyon kag ginakumentuhan kon ngaa mahimo ini magamit sa lokal nga teritoryo. Ang mga manugbantala nagabinuslanay sa pag-ensayo sa mga presentasyon. Ang tsirman nagahatag sing komendasyon, nian nagahatag sing espesipiko nga mga ideya sa kon paano sugdan ang isa ka pagtuon sa Ihibalo nga libro.
Ambahanon 34 kag nagatakop nga pangamuyo.
Semana sang Pebrero 10-16
Ambahanon 29
5 min: Lokal nga mga pahibalo. Report sa kuwenta. Palig-una ang tanan nga magtambong sa miting para sa mga magaauxiliary payunir sa Domingo, Pebrero 16.
10 min: “Pagtanyag sing Maayong Balita Nga May Pagkahilingagawon.” (Parapo 6-8) Ipasundayag ang mga presentasyon sa parapo 6-7.
30 min: “Kinahanglan—20,000 ka Auxiliary Payunir.” Pamangkot kag sabat nga pagtuptop sang manugtatap sa pag-alagad. Ipatalupangod ang kahon sa pahina 3. Repasuha ang halimbawa nga mga iskedyul sa pahina 6. Dapat binagbinagon sing personal kag sing mapangamuyuon sang tagsa ka bawtismado nga manugbantala kon bala makapayunir sia sa isa ukon kapin pa ka bulan. Mapasangkad sang di-bawtismado nga mga manugbantala ang ila bahin sa ministeryo paagi sa pagtalana sang ila kaugalingon nga tulumuron nga oras kada bulan.
Ambahanon 43 kag nagatakop nga pangamuyo.
Semana sang Pebrero 17-23
Ambahanon 30
15 min: Lokal nga mga pahibalo. Hinun-anuni ang artikulo nga “Bulig sa Husto nga Tion,” nagahatag sing talalupangdon nga mga punto gikan sa tagsa sang bag-ong mga publikasyon.
15 min: “Ang Memoryal—Isa Gid ka Importante nga Okasyon!” Pamangkot kag sabat. Maghatag sing pagpalig-on agod ang bug-os nga bulan sang Marso mangin pinasahi paagi sa pag-auxiliary payunir.
15 min: Pagsugod sing mga Pagtuon sa Biblia sa Puluy-an. Sining ulihi nga binulan, ginatos ka libo ka libro ang napahamtang. Nagahatag ini sing sadsaran para makasugod sing madamo pa nga pagtuon sa Biblia. Palig-una ang mga manugbantala nga tatapon ang tanan nga interes. Ipasaysay sing espesipiko sa pila ka manugbantala kon ano ang ginhimo nila agod makasugod sing bag-ong mga pagtuon sa Biblia sa puluy-an. Ipadaku nga ang importante nga bahin sang aton hilikuton amo ang paghimo sing mga disipulo. (Mat. 28:19, 20) Sarang ini mahimo sing epektibo kon manikasog kita nga sundon ang mga panugda nga ginhatag sa suplemento sang Hunyo 1996 nga Ang Aton Ministeryo sa Ginharian.
Ambahanon 47 kag nagatakop nga pangamuyo.
Semana sang Pebrero 24–Marso 2
Ambahanon 32
15 min: Lokal nga mga pahibalo. Ipahibalo ang mga ngalan sang tanan nga magaauxiliary payunir sa Marso. Ipaathag nga indi pa ulihi agod magsumiter sing aplikasyon. Palig-una ang tanan nga makigbahin sing bug-os sa pag-alagad sa latagon sa Sabado, Marso 1.
15 min: “Kamusta ang Imo mga Himata?” Ginahambalan sing magkaupod sang bana kag asawa ang artikulo kag namat-od kon paano nila sugiran sing maayong balita ang di-tumuluo nga mga himata.—Tan-awa ang Pebrero 15, 1990, Lalantawan, pahina 25-7.
15 min: Repasuha ang Tanyag nga Literatura Para sa Marso—Ang Sekreto sang Kalipay sa Pamilya. Hinun-anuni sing malip-ot ang mga rason sang pagkalusod sang pamilya sa modernong katilingban. (Tan-awa ang Oktubre 15, 1992, Lalantawan, pahina 4-7.) Repasuha ang kaundan sang libro, sa pahina 3. Agdaha ang tumalambong sa pagpili sing mga kapitulo nga magamit subong sadsaran para sa isa ka presentasyon. Ipakita ang mabuligon nga kahon sa pagtudlo nga makita sa katapusan nga bahin sang tagsa ka kapitulo. Ipapasundayag sa isa ka sangkol nga manugbantala kon paano matanyag ang libro.
Ambahanon 48 kag nagatakop nga pangamuyo.