Mga Miting Sa Serbisyo Para Sa Hunyo
Semana sang Hunyo 2-8
Ambahanon 181
8 min Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian.
15 min: “Himua ang Inyo Bug-os nga Masarangan.” Pamangkot kag sabat.—Tan-awa man ang Abril 15, 1993, Lalantawan, pahina 28-30.
22 min: “Ang Ihibalo Gikan sa Dios Nagasabat sang Madamong Pamangkot.” Ginahambalan sang tsirman ang artikulo upod sa duha ukon tatlo ka manugbantala, lakip na ang isa ka pamatan-on. Magkomento sa parapo 1, nagapadaku kon ngaa ang Ihibalo nga libro tuman ka epektibo sa pagbulig sa aton sa pagsabat sing mga pamangkot. Ipasundayag ang isa ka sesyon sa pag-ensayo, kag magpanugda sing mga butang nga palauswagon pagkatapos sang kada presentasyon.
Ambahanon 200 kag nagatakop nga pangamuyo.
Semana sang Hunyo 9-15
Ambahanon 189
10 min: Lokal nga mga Pahibalo. Report sa kuwenta.
20 min: Pagpanaksi Paagi sa Maayo nga Pagginawi sa Eskwelahan. Isa ka gulang ang nagapakighambal sa duha ukon tatlo ka pamatan-on nga magasugod sing isa ka bag-ong tuig sa pag-eskwela sini nga bulan. Ipadaku ang kinahanglanon nga mangin maayo nga halimbawa sa ila pagginawi. Repasuha upod sa grupo ang mga punto nga may kaangtanan sa ginahambalan gikan sa Education nga brosyur, labi na ang seksion tuhoy sa “Moral Values That Merit Respect” sa pahina 19 tubtob 25. Ipatalupangod sing pinasahi ang kahon sa pahina 24 nga natig-uluhan “Some Moral Principles That Jehovah’s Witnesses Follow.” Kon may tion pa, hinambiti man ang mga punto sa Agosto 15, 1987, Lalantawan, pahina 10-20. Bangod madamo nga manunudlo ang magabasa sang brosyur kag makahibalo kon mangin ano dapat ang mga Saksi ni Jehova, luyag sang Cristianong mga pamatan-on makahatag sing maayong panaksi paagi sa ila maayo nga paggawi.
15 min: Pagtudlo sa Iban—Isa ka Hilingagawon nga Kinahanglanon. Pamulongpulong sang isa ka gulang. Repasuha ang 1996 nga report sang pag-alagad sa bug-os nga kalibutan sa pahina 33 sang 1997 Yearbook. Ang dugang nga panikasog nga mapanaksihan ang mga tawo bisan diin man sila makita nagabunga. Ang hilingagawon nga kinahanglanon karon amo ang pagtudlo sa mga tawo sing kamatuoran. Kon masugilanon naton sila sa publiko nga mga duog, mataktikanhon nga pangayuon ang ila ngalan kag direksion agod maduaw sila liwat. Indi lamang ang pagtanom sing binhi sang Ginharian ang dapat naton himuon; dapat man naton ini bunyagan. (1 Cor. 3:6-8) Kon ang binhi ginasab-ug sa maayo nga duta, ang epektibo nga pagtudlo magabulig sa tawo nga mahangpan ini. (Mat. 13:23) Dapat kita makigbahin sing bug-os kag sing malantipon sa pagpanudlo nga hilikuton. (Heb. 5:12a) Ilakip ang mga punto gikan sa suplemento sang Hunyo 1996 nga Ang Aton Ministeryo sa Ginharian, parapo 25-6. Ipadaku ang tulumuron nga makasugod sing mga pagtuon sa Ginapatuman nga brosyur ukon sa Ihibalo nga libro.
Ambahanon 204 kag nagatakop nga pangamuyo.
Semana sang Hunyo 16-22
Ambahanon 192
10 min: Lokal nga mga pahibalo.
15 min: Lokal nga mga kinahanglanon.
20 min: Pagkilala sa Imo Relihion Subong Matuod Ukon Butig. Ginapangunahan sang isa ka gulang ang paghambalanay upod sa duha ukon tatlo ka sangkol nga mga manugbantala pasad sa Disiembre 22, 1989, Awake!, pahina 18. Madamong sinsero nga tawo ang sulit-sulit nga ginaduaw. Apang, wala sila magbaton sing isa ka pagtuon sa Biblia. Ipaathag kon paano gamiton ang mga punto sa sining artikulo sa Awake! sa pagpahibalo sa ila nga dapat sila magpanghikot suno sa sibu nga ihibalo. Patuhuyi ang yabi nga mga punto sa Ihibalo nga libro, kapitulo 5: “Kay Sin-o Pagsimba ang Ginabaton sang Dios?” Basaha ang parapo 20. Mahimo sila duawon liwat agod palig-unon sila sing malulo kag sing mataktika nga batunon ang isa ka pagtuon kag magtambong sa mga miting.
Ambahanon 201 kag nagatakop nga pangamuyo.
Semana sang Hunyo 23-29
Ambahanon 193
10 min: Lokal nga mga pahibalo.
15 min: Ano ang Ginasiling Nila Tuhoy sa Aton? Isa ka pamulongpulong pasad sa impormasyon nga makita sa Watch Tower Publications Index 1986-1995, pahina 341-3. Magpili sing tumalagsahon nga “Statements by Others” (“Ginsiling sang Iban”) tuhoy sa mga Saksi ni Jehova—sa aton paggawi kag sa aton hilikuton. Ipakita kon paano nagdayaw ang iban. Ipaathag kon ngaa dapat ini magpahulag sa aton nga maggawi sa tanan nga tion sing nagakaigo. Ipakita kon paano gamiton ining maayo nga mga komento kon nagapakigsugilanon sa mga kilala kag mga interesado nga luyag makahibalo sing labi pa tuhoy sa aton.
20 min: “Mga Ginikanan—Hanasa ang Inyo Kabataan sa Pagbantala.” Pamangkot kag sabat. Ilakip ang panuytoy sa Aton Ministeryo nga libro, pahina 99-100, sa ubos sang tig-ulo “Pagbulig sa mga Pamatan-on.”
Ambahanon 211 kag nagatakop nga pangamuyo.
Semana sang Hunyo 30–Hulyo 6
Ambahanon 197
10 min: Lokal nga mga pahibalo.
20 min: “Mga Pamatan-on—Ano ang Inyo Espirituwal nga mga Tulumuron?” Duha ka amay ang nagahambalanay tuhoy sa artikulo. Ginabinagbinag nila kon paano buligan ang ila kabataan nga mahangpan kon ngaa kinahanglan magtalana sing teokratikong mga tulumuron, nga makahatag sing espirituwal nga mga pagpakamaayo, sa baylo nga tinguhaan ang materyalistiko nga mga interes.—Tan-awa man ang Aton Ministeryo nga libro, pahina 116-18.
15 min: Paghanda Para sa Tanyag nga Literatura sa Hulyo. Magpili sing isa ukon duha ka brosyur nga ginabaton sing maayo sa lokal nga teritoryo, kag repasuha ang pila ka tumalagsahon nga mga punto sa kada isa. Magpanugda sing mga paagi kon paano ini ilakip sa presentasyon. Pahanumduma ang tanan nga magtago sing rekord sang mga napahamtangan, kag magbalik kag palambuon ang interes.
Ambahanon 109 kag nagatakop nga pangamuyo.