Mga Miting sa Serbisyo para sa Marso
Semana Sang Marso 2-8
Ambahanon 3
8 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian.
15 min: “Padayon nga Himua Ini sa Handumanan Nakon.” Pamulongpulong sang isa ka gulang. Magkomento sing malip-ot sa Aton Ministeryo nga libro, pahina 80-1, nagapadaku sang importansia sang pagtambong sa Memoryal.
22 min: “Ipatudok sa Iban ang Paglaum nga Kabuhi nga Walay Katapusan.” Paghinun-anon sang artikulo upod sa tumalambong. Ipaathag sing malip-ot kon paano magamit sing epektibo ang mga pamangkot sa pagpadayon sing isa ka paghambalanay. Maghatag sing pila ka halimbawa sang nagatuytoy kag punto-de-vista nga mga pamangkot nga mahimo gamiton sa isa ka presentasyon. (Tan-awa ang School Guidebook, pahina 51-2, parapo 10-12.) Ipapasundayag sa sangkol nga manugbantala ang isa sang ginapanugda nga mga presentasyon sa una nga pagduaw upod ang pagduaw liwat, nga nagapakita sang isa ka pagtuon sa Biblia nga ginsugdan.
Ambahanon 88 kag nagatakop nga pangamuyo.
Semana Sang Marso 9-15
Ambahanon 60
8 min: Lokal nga mga pahibalo. Report sa kuwenta.
15 min: Manginpulos Sing Bug-os Gikan sa 1998 Yearbook. Ang amay nagarepaso sang mga pahina 3-6, 31 upod sang iya pamilya, nagahinun-anon sang teokratikong mga hinimuan sa bug-os kalibutan sang nagligad nga tuig. (Kon wala pa sing Yearbook, gamita ang mga numero gikan sa tsart sa Enero 1, 1998, Lalantawan.) Binagbinaga ang mga benepisyo nga naagom sang pamilya gikan sa pagbasa kag sa paghinun-anon sang adlaw-adlaw nga teksto kag mga bahin sang Yearbook sa tigkalaon, determinado nga himuon ini sing padayon sa bug-os nga tuig.
22 min: “Himuon Bala Naton Ini Liwat?” (Parapo 1-11) Pamangkot kag sabat. Isaysay ang talalupangdon nga mga bahin sang kampanya sa pag-auxiliary payunir sang nagligad nga tuig suno sa ginreport sa 1998 Yearbook. Hinambiti ang kadamuon sang nag-auxiliary payunir sa kongregasyon sadto nga tion. Ipaathag ang direkta nga personal nga mga benepisyo nga matigayon naton gikan sa pagpayunir, kag ipakita kon paano ining dugang pa nga panikasog nakabulig sa pag-uswag sang kongregasyon. Ihatag ang mga kahimusan sa pag-alagad nga ginaplano sa kongregasyon sa Abril kag Mayo agod buligan ang madamo pa nga makapayunir. Ang mga manugbantala mahimo makakuha sing aplikasyon pagkatapos sang miting.
Ambahanon 195 kag nagatakop nga pangamuyo.
Semana Sang Marso 16-22
Ambahanon 43
8 min: Lokal nga mga pahibalo. Agdaha ang tanan nga interesado sa pagtambong sa pinasahi nga pamulongpulong publiko sa Marso 29. Ang pamulongpulong natig-uluhan sing “Kon Ngaa Makasalig Kamo sa Biblia.”
15 min: Lokal nga mga kinahanglanon.
22 min: “Himuon Bala Naton Ini Liwat?” (Parapo 12-19) Pamangkot kag sabat. Repasuha ang mga kalipikasyon nga ginbalay sa Aton Ministeryo nga libro, pahina 113-14. Ipaathag kon paano ang pag-auxiliary payunir nagahanda sa isa para sa pagregular payunir. Agdaha ang pila nga nag-auxiliary payunir sang nagligad nga tuig sa pagsugid kon paano nila ginhusay ang ila iskedyul agod malab-ot ang 60 ka oras nga lalambuton. Diin sa halimbawa nga iskedyul sa katapusan nga pahina sang suplemento ang epektibo sa ila? Kon may tion pa, isaysay ang mga eksperiensia sa 1987 Yearbook, pahina 48-9, 245-6. Palig-una ang mga manugbantala sa pagkuha sing mga aplikasyon pagkatapos sang miting.
Ambahanon 224 kag nagatakop nga pangamuyo.
Semana Sang Marso 23-29
Ambahanon 94
10 min: Lokal nga mga pahibalo. Palig-una ang tanan nga sugdan na ang pag-agda sa mga interesado sa Memoryal, sa Abril 11. Magpakita sing isa ka kopya sang imbitasyon, kag agdaha ang tanan sa pagkuha sing suplay kag sugdan ang pagpanagtag sini karon nga semana. Ipahibalo ang ngalan sang tanan nga nagaauxiliary payunir sa Abril. Ipaathag nga indi pa ulihi sa pagsumiter sing aplikasyon. Ihatag ang bug-os nga iskedyul sang mga miting sa pag-alagad nga ginaplano para sa Abril.
20 min: Ihanda ang mga Bag-uhan Para sa Pag-alagad sa Latagon. Pamulongpulong kag paghinun-anon sa tumalambong. Dapat binagbinagon sang mga nagadumala sing pagtuon sa Ihibalo nga libro nga ihanda ang ila estudyante sa pagpakigbahin sa pag-alagad sa latagon. Ipaathag ang ginasiling sa Ihibalo nga libro, pahina 105-6, parapo 14, kag pahina 179, parapo 20. Repasuha ang paagi sa Nobiembre 15, 1988, Lalantawan, pahina 16-17, parapo 7-10, para makilala ang mga bag-uhan subong dibawtismado nga mga manugbantala. Binagbinaga ang mga panugda sa Hunyo 1996 nga suplemento sa Ang Aton Ministeryo sa Ginharian, parapo 19, sa pagbulig sa bag-ong dibawtismado nga mga manugbantala sa pagsugod sa pag-alagad.
15 min: “Pamangkot.” Pamangkot kag sabat. Ang gulang nagarepaso sang materyal sa Aton Ministeryo nga libro, pahina 131, parapo 1 kag 2.
Ambahanon 47 kag nagatakop nga pangamuyo.
Semana Sang Marso 30–Abr. 5
Ambahanon 29
12 min: Lokal nga mga pahibalo. Pahanumduma ang tanan nga ihatag ang ila mga report sa pag-alagad sa latagon para sa Marso. Ipakita ang bag-o nga mga guwa sang mga magasin, magpanugda kon ano nga mga artikulo ang mahimo nimo mapadaku kon nagatanyag sini, kag maghinambit sing pila ka espesipiko nga mga punto nga mahambalan. Repasuha ang “Mga Pahanumdom sa Memoryal,” kag ihatag ang lokal nga mga kahimusan para sa Memoryal. Ang tanan dapat maghimo sing pat-od nga mga plano agod buligan ang mga estudyante sang Biblia kag ang iban pa nga mga interesado sa pagtambong. Pahanumduma ang tanan nga pat-uron nga sundon ang naiskedyul nga pagbasa sang Biblia sa Memoryal para sa Abril 6-11, subong sang nabalay sa Pag-usisa sa Kasulatan sa Adlaw-adlaw.
13 min: “Mga Anak—Kamo ang Amon Kalipay!” Pamangkot kag sabat. Isaysay ang eksperiensia gikan sa Agosto 1, 1987, Lalantawan, pahina 25.
20 min: Mga Paagi sa Pag-away sa Espirituwal nga Kalapyo. Ang duha ka gulang nagahinun-anon sang kahon sa Enero 15, 1986, Lalantawan, pahina 19. Para sa tagsa ka “Sintoma sang Kalapyo,” ipaathag gikan sa Kasulatan kon paano makabenepisyo ang isa gikan sa katumbas nga “Mga Bulig sa Pagbatas.” Pagkatapos sina interbyuha ang duha ka manugbantala sa pagkomento kon paano ang pagpadapat sa sining mga punto nakabulig sa ila nga mahuptan ang ila espirituwal nga kusog.
Ambahanon 140 kag nagatakop nga pangamuyo.