Mga Balita Teokratiko

◼ Ang mga Saksi ni Jehova opisyal nga narehistro sa ­Bulgaria sang Oktubre 7, 1998. Ginabuylugan naton ang 946 ka manugbantala didto sa pagpasalamat kay Jehova tungod sini.

◼ Sang Oktubre 12, 1998, gintugutan sang gobierno sang ­Latvia nga marehistro ang nahaunang 2 sa 21 ka kongregasyon sa sina nga pungsod.

◼ Walay sapayan sang pagpamatok, ang mga kauturan sa Pransia nagapadayon sa ila pagbantala tuhoy sa Ginharian. Sang Nobiembre kag Disiembre, ang isa ka kampanya sa pagganyat sang igtalupangod sang pungsod sa Biblia ginsentro sa pinasahi nga pagpanagtag sing brosyur nga Isa ka Libro Para sa Tanan nga Tawo. Mga 50 ka ­Bethelite ang nagsaylo sa Britanya halin sa Pransia agod magbulig sa pag-imprinta kag sa mga kahimusan sang pagpadala sang sanga, samtang ang nabilin nga 250 ka katapo sang panimalay Bethel sa Pransia kag ang mga kauturan sa latagon padayon nga nag-alagad sing malipayon sa idalom sang normal nga mga kahimtangan.