Mga Miting sa Serbisyo Para sa Pebrero
Semana sang Pebrero 1
Ambahanon 154
10 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian. Pahanumduma ang tanan sa paghatag sang ila mga report sa pag-alagad sa latagon para sa Enero.
17 min: “Itanyag ang Kalipay sa Pamilya nga Libro sa mga Tawo Sang Tanan nga Pangidaron.” Ginahambalan sang gulang ang artikulo upod sa duha ukon tatlo ka sangkol nga manugbantala. Nagakonsentrar sa tulumuron nga buligan ang iban sa paghangop nga ang sekreto sang kalipay sa pamilya nasandig sa pagsunod sa laygay sang Biblia. (Tan-awa ang Kalipay sa Pamilya, pahina 9-12.) Ipasundayag ang isa sang ginpanugda nga mga presentasyon. Ipakita kon paano himuon ang kahimusan para sa isa ka pagduaw-liwat.
18 min: “Magsuklob Sing Bag-ong Personalidad.” Isa ka pamulongpulong, nga nagausisa sang Efeso 4:20-24. (Tan-awa ang Marso 1, 1993, Lalantawan, pahina 14-18, parapo 4-17.) Ipaathag kon paano naton ubahon ang daan nga personalidad kag isuklob ang bag-o.
Ambahanon 4 kag nagatakop nga pangamuyo.
Semana sang Pebrero 8
Ambahanon 12
10 min: Lokal nga mga pahibalo. Report sa kuwenta.
15 min: Lokal nga mga kinahanglanon.
20 min: “Nakabenepisyo Kita Gikan sa ‘Dalanon Sang Dios sa Kabuhi’ nga mga Kombension.” Pamangkot kag sabat. Ipakita ang bag-ong libro kag brosyur, kag itudlo ang mga paagi nga sarang naton ini magamit sa ministeryo. Halimbawa, may yara 40 ka ilustrasyon sa bag-ong brosyur subong man sing mga kinutlo nga makita sa umpisa sang kada seksion, nga sarang magamit sa pagpukaw sa interes sang mga tawo. Ipakita kon paano magamit ang katapusan nga bahin kon nagatanyag sing pagtuon sa Biblia sa puluy-an. Sa Creator nga libro, ang Kapitulo 10 nagahatag sing makaalayaw nga sabat sa pamangkot sang madamo nga tawo: “Kon ang Manunuga nagaulikid, ngaa tuman kadamo ang pag-antos?”
Ambahanon 173 kag nagatakop nga pangamuyo.
Semana sang Pebrero 15
Ambahanon 40
10 min: Lokal nga mga pahibalo. Mga Balita Teokratiko.
18 min: Paano Kita Nabuligan Paagi sa Pagpalista sa Teokratikong Eskwelahan sa Pagministro? Paghinun-anon sang tumalambong nga ginadumalahan sang manugtatap sang eskwelahan. Ang paghanas sa pagpakighambal sa publiko indi lamang ang katuyuan sang eskwelahan. May iban pa nga mga paagi nga nabuligan kita sing direkta. (Tan-awa ang School Guidebook, pahina 12-13.) Natun-an naton kon paano makapakigsugilanon sing mas maayo sa iban nga mga tawo. Gintudluan kita sa paghambal sing maathag, malig-on, kag may pagsalig sa kaugalingon. Nangin lantip kita sa pagsabat sa mga pamangkot tuhoy sa aton mga pagtuluuhan kag sa pagpaathag sa aton pasad-sa-Biblia nga mga desisyon. Ang aton ihibalo sa Biblia nagadugang, nagabulig sa aton nga mangin mas epektibo sa pagpanaksi sa iban. Natun-an naton nga kilalahon ang aton mga kakulangan kag batunon ang laygay, nga nagaresulta sa aton mas mainabyanon nga pagpakig-angot sa iban. Ang kabug-usan nga paghanas nga ginaaman sang eskwelahan nagabulig sa aton nga magpabilin nga “sangkol sing nagakaigo” subong mga ministro sang Dios.—2 Cor. 3:5, 6.
17 min: “Kon Paano ang mga Katapo Sang Pamilya Nagabinuligay nga Makapakigbahin Sing Bug-os—Sa Pagtuon sa Biblia.” Paghinun-anon sang isa ka pamilya. Ginausisa nila kon paano nila sundon ang mga panugda tuhoy sa pangpamilya nga pagbasa kag pagtuon sa Biblia nga masapwan sa Mayo 15, 1996, Lalantawan, pahina 14-15, kag sa Oktubre 15, 1992, Lalantawan, pahina 16-17.
Ambahanon 57 kag nagatakop nga pangamuyo.
Semana sang Pebrero 22
Ambahanon 170
10 min: Lokal nga mga pahibalo.
15 min: Ginausisa Mo Bala ang Kasulatan Adlaw-adlaw? Pamulongpulong kag paghinun-anon sang tumalambong. Kada tuig ang Sosiedad nagaaman sing bukleta nga Pag-usisa sa Kasulatan. Subong indibiduwal ukon subong isa ka pamilya, ginagamit bala ninyo sing maayo ini nga publikasyon? Ipaathag ang mabuligon nga mga rason kon ngaa dapat naton binagbinagon ang teksto sa kasulatan para sa tagsa ka adlaw. Hinun-anuni ang mga komento gikan sa introduksion sang Pag-usisa sa Kasulatan sa Adlaw-adlaw—1999, pahina 3-4. Ipasaysay sa mga manugbantala ang pinasahi nga panikasog nga ila ginhimo agod mabinagbinag ang adlaw-adlaw nga teksto kag komento sing matutom subong mga indibiduwal kag mga pamilya.
20 min: Kon Paano Makasapo Sing Kalipay sa Paghimo Sing Disipulo. Pamulongpulong pasad sa Pebrero 15, 1996, Lalantawan, pahina 19-22.
Ambahanon 91 kag nagatakop nga pangamuyo.