Iskedyul sang Miting sa Serbisyo

PATALUPANGOD: Sugod sini nga guwa sang Ang Aton Ministeryo sa Ginharian, ang Iskedyul Sang Miting sa Serbisyo magalakip sang isa ka balayan para sa nahaunang Miting sa Serbisyo sang masunod nga bulan. Ginhimo ini nga pagbag-o agod malandas ang posible nga pag-awat sang pag-abot sang Ang Aton Ministeryo sa Ginharian sa mga kongregasyon. Subong man, nag-iskedyul kami sing miting sa serbisyo para sa tagsa ka semana sa tion sang kombension, gani dapat magpasibu sing lokal ang mga kongregasyon para sa pagtambong sa “Matagnaon nga Pulong Sang Dios” nga Distrito nga Kombension kag pagkatapos sina para sa isa ka 30-minutos nga pagrepaso sang talalupangdon nga mga punto sa programa sa Miting sa Serbisyo sa masunod nga semana. Ang pagrepaso sa tagsa ka adlaw nga programa sang kombension dapat itangdo sing abanse sa tatlo ka sangkol nga mga utod nga lalaki, nga magakonsentrar sa tumalagsahon nga mga punto nga natun-an sa kombension.

Semana sang Disiembre 6

Ambahanon 207

10 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian.

15 min: “Iluga ang Pagkawalay Pinasulabi ni Jehova.” Pamangkot kag sabat. Ipaathag ang kahulugan sang pagkawalay pinasulabi, kon paano ini ginapakita ni Jehova, kag kon paano naton ini mapakita sa aton ministeryo.​—⁠Tan-awa ang Insight, Tomo 1, pahina 1192, parapo 4-7.

20 min: “Indi Bala nga Nabatian Na Anay Naton Ina?” Pamulongpulong kag paghinun-anon sa tumalambong. Agdaha ang tumalambong sa pagkomento kon paano sila nabuligan sang pagsulit agod mahangpan kag maapresyar ang kamatuoran sing labi pa.​—⁠Tan-awa Ang Lalantawan, Hulyo 15, 1995, pahina 21-2, kag Agosto 15, 1993, pahina 13-14, parapo 10-12.

Ambahanon 218 kag nagatakop nga pangamuyo.

Semana sang Disiembre 13

Ambahanon 168

10 min: Lokal nga mga pahibalo. Report sa kuwenta. Maghatag sing mga panugda kon paano sabton sing mataktikanhon ang mga panamyaw sa Krismas. Kon ang kongregasyon may suplay sang Pinakabantog nga Tawo ukon Dakung Manunudlu nga mga libro, ipakita kon paano ini magamit nga may dakung kapuslanan sa ministeryo sa tion sang Krismas.

15 min: “Ang Teokratikong Eskwelahan sa Pagministro Para sa 2000.” Pamulongpulong sang manugtatap sang Teokratikong Eskwelahan sa Pagministro. Repasuha ang masunod nga mga pagbag-o sa iskedyul sa masunod nga tuig. Ang Asaynment Num. 3 ipasad sa “Mga Topiko nga Mahambalan sa Biblia” subong sang makita sa New World Translation ukon sa Oktubre nga suplemento sang Ang Aton Ministeryo sa Ginharian. Ang Asaynment Num. 4 padayon nga magabinagbinag sang mga karakter sa Biblia gikan sa Insight on the Scriptures kag sa katapusan nga tatlo ka bulan sang tuig ipasad sa “Mga Topiko nga Mahambalan sa Biblia.” Kon may tanda sang numero (#) nga nagasunod sa sining asaynment, ginapakamaayo nga ihatag ini sang isa ka utod nga lalaki.

20 min: “Ano ang Isiling Ninyo sa Isa ka Ateista?” Pamangkot kag sabat. Maghatag sing isa ukon duha ka malip-ot nga pasundayag. Para sa dugang nga impormasyon, tan-awa ang Reasoning nga libro, pahina 145-51, kag Mankind’s Search for God, kapitulo 14.

Ambahanon 220 kag nagatakop nga pangamuyo.

Semana sang Disiembre 20

Ambahanon 219

10 min: Lokal nga mga pahibalo.

15 min: Pagsabat sa Posible nga mga Pagpamatok. Paghinun-anon sa tumalambong kag mga pasundayag. Basaha ang “Comments” sa pahina 15-16 sang Reasoning nga libro. Magpili sing duha ukon tatlo ka “conversation stopper” (pagpamatok) gikan sa pahina 16-20, ukon maggamit sang iban pa nga masunson nasumalang sa inyo teritoryo. Ipasundayag sing malip-ot ang pila sini. Agdaha ang tumalambong sa pagsaysay sing mga sabat nga gingamit nila nga may maayong mga resulta.

20 min: Batunon Ko Bala ang Trabaho nga Nadalahig sa Isa ka Relihioso nga Organisasyon? Pamulongpulong sang isa ka gulang, pasad sa Abril 15, 1999, Lalantawan, pahina 28-30. Ginbaton sang pila ka indibiduwal ang subong sini nga trabaho kag natukiban sang ulihi nga ang ginahimo nila wala gali nahisanto sa mga prinsipio sang Biblia. Repasuha ang mga pamangkot nga dapat naton binagbinagon kon nagahimo sing desisyon tuhoy sa paghimo sing sekular nga trabaho nga may relihioso nga kaangtanan. Palig-una ang tanan nga maglakat sa dalanon nga nagapasalig sing maayo nga tindog sa atubangan ni Jehova.​—⁠2 Cor. 6:​3, 4, 14-18.

Ambahanon 109 kag nagatakop nga pangamuyo.

Semana sang Disiembre 27

Ambahanon 166

10 min: Lokal nga mga pahibalo kag “Bag-ong Programa sa Sirkito nga Asambleya.” Pahanumduma ang tanan sa paghatag sing mga report sa pag-alagad sa latagon para sa Disiembre.

15 min: Lokal nga mga kinahanglanon.

20 min: Pagtanyag Sing Daan nga mga Libro sa Enero. Pamulongpulong kag mga pasundayag. Ipakita ang Nahiusa sa Pagsimba nga libro ukon ang duha ukon tatlo pa ka daan nga 192-pahina nga mga libro, nga ginbalhag antes sang 1986, nga may suplay ang kongregasyon, kag palig-una ang mga manugbantala nga magkuha sing pila ka kopya para gamiton sa ministeryo sa latagon. (Kon wala sing matigayon, binagbinaga ang tal-us nga tanyag para sa Enero subong sang ginhatag sa Mga Pahibalo sa pahina 7.) Ipaathag kon ngaa ining daan nga mga publikasyon epektibo gihapon sa pagpalambo sing interes sa Biblia. Sa tagsa ka libro ipatalupangod ang mga punto nga mahambalan kag ang mga ilustrasyon nga sarang magamit sa pagsugod sing mga paghambalanay. Magpasundayag sing isa ukon duha ka presentasyon.

Ambahanon 224 kag nagatakop nga pangamuyo.

Semana sang Enero 3

Ambahanon 10

8 min: Lokal nga mga pahibalo. Repasuha ang “Bag-ong Programa sa Pinasahi nga Adlaw nga Asambleya.”

12 min: Hibalua Kon Paano Maghatag Sing Sabat. (Col. 4:6) Pamulongpulong kag pagbinagbinag sa tumalambong. Ang Reasoning nga libro isa ka matahom nga bulig sa paghatag sang dalan agod mapaambit ang kamatuoran sang Biblia sa iban. Kon magpamatok ang tagbalay sa isa sang aton mga pagtuluuhan, ayhan magamit naton ang bahin nga “If Someone Says​—⁠” sa katapusan sang seksion nga nagahinun-anon sa sinang pagtuluuhan. Binagbinaga ang mga komento tuhoy sa Biblia nga mabasa sa pahina 64-8, kag binagbinaga kon ngaa ang ginapanugda nga mga sabat mahimo mangin epektibo.

25 min: “Gamita Sing Maalamon ang Aton mga Literatura.” Dumalahan sang manugtatap sa pag-alagad ang pamangkot-kag-sabat nga pagtuptop sang artikulo sa suplemento. Kon nagabinagbinag sang parapo 3 tubtob 5, maghatag sing isa ukon duha ka pasundayag kon paano ipaathag ang kahimusan sa pag-amot sa mga tagbalay. Ipadaku nga bisan pa nga ang mga literatura ginapanagtag nga wala sing bayad, nagabili ini sing daku nga kuwarta agod mabalhag kag mapanagtag. Ining pagbalhag sa mga literatura bahin sang bug-os kalibutan nga hilikuton kag gani dapat batunon sang tanan ang aton indibiduwal nga salabton nga suportahan ini sing bug-os tagipusuon paagi sa aton mga amot.

Ambahanon 56 kag nagatakop nga pangamuyo.