Iskedyul sa Miting sa Serbisyo
Semana sang Mayo 8
10 min: Lokal nga mga pahibalo kag pinili nga Mga Pahibalo gikan sa Ang Aton Ministeryo sa Ginharian.
20 min: “Magpabilin Kamo nga Nagamata.” Pamangkot kag sabat nga pagbinagbinag. Ipaathag kon ngaa madagmit gid nga magpabilin nga nagamata sa espirituwal bisan pa nga wala naton mahibaluan ang adlaw kag oras. (Tan-awa ang Nobiembre 1, 1995, Lalantawan, pahina 20.) Ipadaku nga ang pagpakigbahin sing bug-os sa ministeryo isa sang labing maayo nga mga paagi sa pagpabilin nga alisto sa kon diin na kita sa tion sang katapusan.
15 min: “Paano Mo Ginatamod ang Imo Kaugalingon?” Pamulongpulong sang isa ka gulang pasad sa artikulo sa Enero 15, 2000, Lalantawan, pahina 20-2. Ipadaku ilabi na ang mga punto sa katapusan nga apat ka parapo sang artikulo nga nagapakita sang mga benepisyo sang isa ka timbang nga pagtamod sa kaugalingon kag sang indi pagkabig sa kaugalingon nga tuman ka importante.
Ambahanon 201 kag nagatakop nga pangamuyo.
Semana sang Mayo 15
10 min: Lokal nga mga pahibalo. Report sa kuwenta.
15 min: Lokal nga mga kinahanglanon.
20 min: Ang Pagbasa Sing Biblia nga Mapuslanon. Pamulongpulong kag pasundayag pasad sa School Guidebook, pahina 34-5, parapo 6-7. Ang isa ka huwaran nga programa sang pagbasa sa Biblia, nga sa sini ginapasad ang talalupangdon nga mga punto sa Biblia, bahin sang kurikulum sang Teokratikong Eskwelahan sa Pagministro. (Disiembre 1999 nga Ang Aton Ministeryo sa Ginharian, pahina 7) Ipapasundayag sa isa ka pamilya kon paano binagbinagon ang isa ka bahin sang pagbasa sini nga semana para sa eskwelahan. Nagapili sila sing isa ukon duha ka makawiwili nga punto kag nagapanalawsaw sing dugang sa Watch Tower Publications Index ukon sa Insight on the Scriptures. Ipakita kon paano ang pagbasa sing Biblia mahimo mangin mas mapuslanon, nagasangkap sa aton sing labi pa sa ‘paggamit sing matadlong sang pulong sang kamatuoran.’—2 Tim. 2:15.
Ambahanon 203 kag nagatakop nga pangamuyo.
Semana sang Mayo 22
10 min: Lokal nga mga pahibalo. Binagbinaga ang mga punto nga mahambalan sa bag-o nga mga guwa sang Ang Lalantawan kag Magmata! nga mahimo magamit kon nagatanyag sini sa Adlaw Sang Magasin sini nga semana.
20 min: “Ano nga Buwas-Damlag ang Luyag Mo Para sa Imo mga Anak?” Pamulongpulong sang isa ka gulang nga isa ka huwaran nga ulo sang pamilya pasad sa artikulo sa Lalantawan sang Hulyo 15, 1998, pahina 4-6. Ipakita kon paano ang mga ginikanan dapat magpakita sing matuod nga interes sa kon ano ang ginahimo sang ila mga anak sa eskwelahan, sa baylo nga pabay-an na lang ang mga sirkunstansia sa pagdihon sang ila dalanon. Ipadaku kon paano ang mga ginikanan (1) makabulig sa ila mga anak sa pagpili sing nagakaigo nga palamugnan, (2) makahanda sa ila sa pag-atubang sa kahuol sa eskwelahan kag sa trabaho, kag (3) makapakita sa ila kon paano paayawan ang ila espirituwal nga mga kinahanglanon.
15 min: Pamulongpulong upod ang pagpakigbahin sang tumalambong sa mga punto sa “Pamangkot.” Ipakita kon paano ang mga attendant kag mga ginikanan amo ang may salabton sa paggawi sang mga kabataan sa sulod kag sa palibot sang Kingdom Hall.
Ambahanon 83 kag nagatakop nga pangamuyo.
Semana sang Mayo 29
12 min: Lokal nga mga pahibalo. Pahanumduma ang tanan sa paghatag sang ila mga report sa pag-alagad sa latagon sa Mayo. Ipasundayag ang isa ka malip-ot nga presentasyon sang tanyag nga literatura sa Hunyo. Ipakita kon paano itanyag ang isa ka pagtuon sa Biblia, ginagamit ang leksion 13 sa Ginapatuman nga brosyur.
15 min: “Pagkalipay sa Inyo Sagrado nga Pag-alagad.” Pamulongpulong. Binagbinaga ang mga rason kon ngaa dapat kita magkalipay sa aton ministeryo.—Tan-awa ang Insight, Tomo 2, pahina 120.
18 min: Cristianong Paggawi sa Eskwelahan. Ang amay nagapakighambal sa iya anak nga lalaki ukon babayi agod ipatalupangod ang makatalagam nga mga siod sa eskwelahan, ilabi na nga malapit na magasugod ang bag-ong tuig sa eskwelahan. Ginapadaku niya ang kinahanglanon nga bantayan ang kaupdanan kag likawan ang ayhan malain nga mga buhat. Ginarepaso niya ang kahon sa pahina 24 sang Education nga brosyur kag ginapaathag ang kinahanglanon nga magpahamtang sing maayong halimbawa subong isa ka Saksi. Ginasambit sang amay ang pila ka pagsulay nga nagautwas may kaangtanan sa paggamit sing droga, pagdate, pagtambong sa sosyal nga pagtinipon, ukon pagpakigbahin sa sports; ginahambalan nila kon paano likawan ang mga problema. Ginapalig-on sang amay ang pamatan-on nga isugid gilayon sa iya kon may mga problema sia—luyag niya mahibaluan kag magbulig. Para sa dugang nga mga ideya nga dapat ilakip, tan-awa ang Lalantawan, Pebrero 15, 1998, pahina 8-11.
Ambahanon 95 kag nagatakop nga pangamuyo.
Semana sang Hunyo 5
10 min: Lokal nga mga pahibalo.
20 min: “Isa ka Pribilehiyo nga Bukas sa mga Bata.” Pamulongpulong kag pagbinagbinag sa tumalambong. Isaysay ang mga eksperiensia nga makita sa Disiembre 1, 1996, Lalantawan, pahina 13, parapo 15. Agdaha ang mga pamatan-on sa pagsaysay kon paano nila naluyagan ang pagpanagtag sing mga magasin. Ipapasundayag sa isa ukon duha ka pamatan-on ang isa ka simple nga pagtanyag sing magasin sa pamalaybalay. Palig-una ang mga ginikanan nga updon ang ila mga anak sa hilikuton sa magasin kada semana.
15 min: “‘Natilawan May Kaangtanan sa Katakus’—Paano?” Pamulongpulong sang isa ka gulang. Repasuha ang Makasulatanhon nga kahimusan kon ngaa may mga ministeryal nga alagad sa kongregasyon. (Tan-awa ang Insight, Tomo 2, pahina 409.) Ipakita kon ano nga kalipikasyon ang dapat nila lab-uton agod matangdo. (Tan-awa ang Aton Ministeryo nga libro, pahina 55-7.) Ipatalupangod ang mga paagi nga makaalagad ang mga ministeryal nga alagad, kag palig-una ang madamo pa nga kauturan nga lalaki nga tinguhaan nga malab-ot ini nga pribilehiyo.
Ambahanon 82 kag nagatakop nga pangamuyo.