Iskedyul sa Miting sa Serbisyo
Semana sang Septiembre 11
10 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian. Ilakip ang “‘Mga Manugtuman Sang Pulong Sang Dios’ nga Distrito nga mga Kombension.”
15 min: “Ang Pagpakamaayo ni Jehova Nagapamanggad sa Aton.” Pamangkot kag sabat.—Tan-awa ang Insight, Tomo 2, pahina 804, parapo 6-7.
20 min: “Gamita ang Ulihi nga mga Hitabo sa Pagpukaw Sing Interes.” Paghinun-anon sa tumalambong kag mga pasundayag. Sambita ang pila ka ulihi nga hitabo nga nagpukaw sing interes sa inyo lugar. Nagagamit sing Reasoning nga libro, pahina 10-11, maghatag sing mga panugda kon paano maghanda sing introduksion nga magadul-ong sa isa ka paghinun-anon sa Biblia. Maghatag sing duha ka nahanda-sing-maayo nga pasundayag.
Ambahanon 224 kag nagatakop nga pangamuyo.
Semana sang Septiembre 18
10 min: Lokal nga mga pahibalo. Report sa kuwenta.
15 min: Ano ang Hinimuan Naton Sang Nagligad nga Tuig? Pamulongpulong sang manugtatap sa pag-alagad. Repasuha ang talalupangdon nga mga punto sa report sang kongregasyon para sa 2000 nga tuig sa pag-alagad. Dayawa ang maayong mga hinimuan. Ipatalupangod ang mga bahin diin kinahanglanon ang pag-uswag. Ipatalupangod kon kamusta ang nahimo sang kongregasyon sa pagtambong sa mga miting, pagsugod kag pagdumala sing mga pagtuon sa Biblia, kag pagkatayuyon sa pag-alagad sa latagon. Ibalay ang praktikal nga mga tulumuron para sa masunod nga tuig.
20 min: “Ang mga Kabuhi Nabutang sa Katalagman!” Paghinun-anon sa tumalambong. Ipatalupangod ang mga kasulatan nga ginsambit sa artikulo.
Ambahanon 30 kag nagatakop nga pangamuyo.
Semana sang Septiembre 25
15 min: Lokal nga mga pahibalo. Repasuha ang “Pamangkot.”
15 min: Lokal nga mga kinahanglanon.
15 min: Ang Aton mga Magasin Wala Nagakadulaan Sing Balor. Ano ang ginahimo ninyo kon magsupot ang daan nga mga guwa sang Ang Lalantawan kag Magmata!? Ang iban nga mga manugbantala nagahaboy sini, sa paghunahuna nga indi na bag-o ang mga tema. Sa baylo, ang Oktubre 1993 nga Ang Aton Ministeryo sa Ginharian, pahina 7, naglaygay sa aton nga magdala sing pila ka daan nga guwa kag itanyag ini kon nagakaigo. Mahimo kamo makapili sing suno-sa-tion nga mga artikulo nga makagalanyat sa mga lalaki, mga babayi, propesyonal nga mga tawo, mga tigulang, kag mga tin-edyer. Ipasundayag kon paano pilion kag ipresentar ang mga artikulo.
Ambahanon 115 kag nagatakop nga pangamuyo.
Semana sang Oktubre 2
15 min: Lokal nga mga pahibalo. Pahibalua ang kongregasyon tuhoy sa pinasahi nga pagpanagtag nga ginaplano para sa Kingdom News Num. 36, nga magasugod sa Lunes, Oktubre 16, kag magapadayon sa Biernes, Nobiembre 17. Palig-una ang tanan, lakip na ang mga pamatan-on kag mga bag-uhan, nga manikasog nga makapakigbahin sing bug-os. Dapat na karon sugdan sang mga konduktor sa pagtuon nga palig-unon kag organisahon ang tanan sa ila grupo sa pagpakigbahin sing makugi kon mahimo. Ilakip ang makapalig-on nga mga eksperiensia gikan sa nagligad nga pagpanagtag sing Kingdom News.
15 min: “Dapat Bala Ako Magsaylo?” Pamulongpulong sang isa ka gulang. Ipaathag kon ngaa kinahanglan ang paghantop kon nagadesisyon sa pagsaylo sa iban nga lugar. Ipaathag kon paano iaplikar ang laygay nga masapwan sa Hulubaton 22:3. Ilakip ang mga komento sa mga paghalong nga masapwan sa Agosto 15, 1988, Lalantawan, pahina 22.
15 min: Mga Eksperiensia sa Pagsugod Sing mga Paghambalanay. Sa programa sa Miting sa Serbisyo para sa semana sang Septiembre 11, ginpanugda nga maghimo kita sing mga introduksion tuhoy sa ulihi nga mga hitabo sa pagpukaw sing interes kag sa pagsugod sing mga paghambalanay sa ministeryo. Agdaha ang tumalambong sa pagsaysay sang maayong mga resulta nga naagom nila tubtob sa karon nga tion paagi sa pag-aplikar sini nga mga panugda.
Ambahanon 205 kag nagatakop nga pangamuyo.