Iskedyul sa Miting sa Serbisyo
Semana sang Hulyo 12
12 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian. Nagagamit sang mga panugda sa pahina 4, ipasundayag kon paano ipresentar ang Hulyo 15 nga Ang Lalantawan kag ang Agosto 8 nga Magmata! Sa isa ka presentasyon, ipasundayag kon paano itanyag ang isa ka magasin sa isa ka tawo sa kalye nga indi makahambal sing maayo sang inyo lenguahe.
18 min: “Iluga ang Katarungan ni Jehova.”a Kon ginatugot sang tion, agdaha ang mga tagpalamati nga magkomento sa ginsitar nga mga teksto.
15 min: Ang Biblia—Isa ka Libro Sang Masaligan nga mga Tagna. Pamulongpulong kag paghinun-anon upod sa tumalambong pasad sa brosyur nga Isa ka Libro Para sa Tanan nga Tawo, pahina 27-9. Sa aton ministeryo, masami naton masugilanon ang mga tawo nga interesado sa palaabuton. Ang Biblia nagaaman sing masaligan nga mga impormasyon nga nagapakita sang isa ka malipayon nga palaabuton para sa matinumanon nga katawhan. Binagbinaga ang pila ka tagna sa Biblia nga nagapalig-on sang pagsalig sa mga tagna sang Biblia sa palaabuton. Ipasundayag sing malip-ot sa isa ka manugbantala kon paano ang mga hitabo sa Biblia sarang magamit agod buligan ang interesado nga magsalig sa Biblia.
Ambahanon 16 kag nagatakop nga pangamuyo.
Semana sang Hulyo 19
10 min: Lokal nga mga pahibalo. Hinun-anuni ang importansia sang paghupot sang isa ka regular nga programa sa adlaw-adlaw nga pagbasa sang Biblia. Ilakip ang mga komento sa Agosto 15, 2000, nga Lalantawan, pahina 32.
15 min: Lokal nga mga kinahanglanon.
20 min: “Pagdumala Sing Mainuswagon nga mga Pagtuon sa Biblia—Bahin 1.” Pamulongpulong nga ihatag sang manugtatap sa pag-alagad. Pakomentuha ang mga tagpalamati sa materyal pasad sa Proclaimers nga libro, pahina 572-4, nagalaragway sang pag-uswag sang hilikuton sa pagtuon sang Biblia sa moderno nga tion. Palambua ang interes para sa masunod nga mga serye sang artikulo. Lakip sa mga topiko nga binagbinagon amo ang kon paano maghanda sa pagdumala sing pagtuon, kon paano buligan ang estudyante nga maghanda, kon daw ano kadamo nga materyal ang tuptupan, kon paano gamiton sing epektibo ang mga teksto, kon paano sabton ang mga pamangkot sang estudyante, kon paano sugdan ang pangamuyo, kag kon paano tuytuyan ang estudyante sa organisasyon. Palig-una ang tanan nga iaplikar ang gin-aman nga mga panugda kag taguon ining mga artikulo para gamiton sa palaabuton.
Ambahanon 10 kag nagatakop nga pangamuyo.
Semana sang Hulyo 26
12 min: Lokal nga mga pahibalo. Report sa kuenta. Pahanumduma ang mga manugbantala nga ihatag ang ila report para sa Hulyo. Nagagamit sang mga panugda sa pahina 4, ipasundayag kon paano ipresentar ang Agosto 1 nga Lalantawan kag ang Agosto 8 nga Awake! Sa kada pasundayag, ipakita sa magkatuhay nga paagi kon paano sabton ang balibad nga “Ngaa pirmepirme kamo nagaduaw?”—Tan-awa ang Reasoning nga libro, pahina 20.
8 min: Pamangkot.” Dumalahan sang gulang. Basaha kag hinun-anuni ang bug-os nga artikulo.
25 min: “Kon Paano Magbantala sa mga Duog Sang Negosyo.”b Sambita ang lokal nga mga kahimusan sa pagbantala sa mga duog sang negosyo. Ipasundayag sing malip-ot ang duha ka presentasyon sa parapo 4-5 ukon ang iban pa nga paagi nga nangin epektibo sa lokal nga kahimtangan. Kon ginatugot sang tion, agdaha ang mga tagpalamati nga ipaambit ang ila positibo nga mga eksperiensia sang nagbantala sila sa mga duog sang negosyo.
Ambahanon 173 kag nagatakop nga pangamuyo.
Semana sang Agosto 2
8 min: Lokal nga mga pahibalo.
22 min: Nagapangatarungan Ka Bala? Pamulongpulong kag paghinun-anon pasad sa Eskwelahan Para sa Ministeryo nga libro, pahina 254, parapo 1-2. Kon ginapaathag naton kag ginaaplikar ang mga kasulatan sa ministeryo sa latagon kag gikan sa plataporma, ang aton pagpanudlo mangin mas epektibo kon mangatarungan kita sa aton ginasiling sangsa ipamilit lamang ini. Nagagamit sing mga halimbawa gikan sa Reasoning nga libro ukon sa iban nga publikasyon nga nagakaigo sa lokal nga teritoryo, ipakita kon paano (1) magpili kag magpaathag sang yabi nga mga ekspresyon sa isa ka teksto, (2) maghatag sing nagasakdag nga pamatuod gikan sa konteksto ukon sa iban pa nga teksto nga may kaangtanan sa topiko, (3) maggamit sing ilustrasyon agod ipakita ang pagkarasonable sang imo ginsiling, kag (4) maggamit sing mga pamangkot nga makabulig sa tagpalamati nga mangatarungan sa ginahambalan. Ipadaku ang mga benepisyo sa pagpangatarungan.
15 min: Pamulongpulong sang gulang pasad sa artikulo nga “Ginapanan-aw Mo Bala ang Padya?” sa Abril 1, 2004, nga gua sang Ang Lalantawan, pahina 20-3.
Ambahanon 32 kag nagatakop nga pangamuyo.
[Mga nota]
a Indi pagpasobrahi sa isa ka minuto ang introduksion, kag sundan ini sang pamangkot-kag-sabat nga paghinun-anon.
b Indi pagpasobrahi sa isa ka minuto ang introduksion, kag sundan ini sang pamangkot-kag-sabat nga paghinun-anon.