Kon Ano ang Isiling Tuhoy sa mga Magasin

Ang Lalantawan Mar. 15

“Ginadayaw sang mga tawo sa bug-os nga kalibutan ang mga panudlo ni Jesus. [Basaha ang ginkutlo sa pahina 3, parapo 1.] Apang sa banta mo yadtong mga panudlo, subong sang halimbawa nga masapwan sa sini nga teksto, makabulig bala karon? [Basaha ang Mateo 5:21, 22a. Nian tuguti sia nga makasabat.] Ini nga magasin nagabinagbinag sang panudlo ni Jesus kag kon paano kita makabenepisyo sa sini.”

Awake! Mar. 22

“Madamo nga mga tawo ang mahuyugon gid sa kabukiran bangod sang katahom sini, apang nahibaluan mo bala nga importante sila sa kabuhi sa duta? [Tuguti sia nga makasabat.] Ini nga magasin naghinun-anon kon ngaa kinahanglan naton ang kabukiran kag kon ano ang nagakatabo sa sini karon. Nagahinambit man ini kon paano luwason sang Manunuga ining importante nga manggad.” Basaha ang Salmo 95:4.

Ang Lalantawan Abr. 1

“Nabatian mo na bala nga ginasiling nga nagasumpakilay ang siensia kag ang Biblia? [Tuguti sia nga makasabat.] Ini nga magasin nagausisa sa maragtas sang pagsumpakilay sang siensia kag relihion. Ginapakita man sini ang mga pamatuod nga ang matuod nga siensia nagahisanto sa Biblia.” Ipakita ang pahina 6-7. Nian basaha ang Manugwali 1:7.

Magmata! Abr. 8

“Sa banta mo paano ayhan mabuligan sang mga ginikanan ang ila kabataan sa paglikaw sang mga problema sa mabudlay nga tion sang pagkatin-edyer? [Tuguti sia nga makasabat. Nian basaha ang Isaias 48:17, 18.] Ini nga magasin nagapakita kon paano ang pag-aplikar sang laygay sang Biblia makabulig sa mga ginikanan sa pagkomunikar sing maayo sa ila kabataan kag sa paghimo sing makatarunganon nga mga pagdumili sa ila.”