Iskedyul sa Miting sa Serbisyo
Semana sang Mayo 9
10 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian. Gamita ang mga panugda sa pahina 8 sa pagpasundayag kon paano itanyag ang Mayo 15 nga Ang Lalantawan kag Hunyo 8 nga Magmata! Sa isa sa mga pasundayag, ipakita ang manugbantala nga nagatanyag sing mga magasin sing di-pormal samtang yara sa pangpubliko nga salakyan.
15 min: Gamita ang Pulong Sang Dios sa Paglab-ot Sang Tagipusuon. Pamulongpulong pasad sa Pebrero 1, 2005, nga Lalantawan, pahina 28-31. Analisaha kon paano gingamit ni Jesus ang Kasulatan sa pagbulig kay Pedro. Hinun-anuni kon paano naton masunod ang halimbawa ni Jesus kon kinahanglan nga pasibuon naton ang panghunahuna kag balatyagon sang aton kabataan, sang aton mga estudyante sa Biblia, kag bisan sang aton kaugalingon mismo.
20 min: “Maghimo Sing Praktikal nga Iskedyul Sang Pamilya.” Sa introduksion nga indi maglampas sa duha ka minutos, ipadaku ang bentaha sang isa ka nasulat nga iskedyul kag hinun-anuni kon paano sulatan ang blangko nga iskedyul sa pahina 6. Sundan ini sang pamangkot kag sabat nga paghinun-anon sa artikulo nga “Iskedyul Sang Pamilya—Mga Miting sa Kongregasyon.” Agdaha ang mga tumalambong nga magkomento kon paano nila nalikawan nga maupangan sang iban nila nga hilikuton ang mga miting sa kongregasyon. Ang dugang nga bahin sang iskedyul sang pamilya binagbinagon sa masunod nga mga semana.
Ambahanon 176 kag nagatakop nga pangamuyo.
Semana sang Mayo 16
10 min: Lokal nga mga pahibalo.
15 min: “Iskedyul Sang Pamilya—Pag-alagad sa Latagon Sang Pamilya.”a Agdaha ang tumalambong sa pagkomento sa mga benepisyo sang regular nga pagpanghikot sa ministeryo subong pamilya.
20 min: “Pagdumala Sing Mainuswagon nga mga Pagtuon sa Biblia—Bahin 8.”b Ilakip ang isa ka malip-ot nga pasundayag sang isa ka manugbantala nga nagahatag sa bag-o nga estudyante sa Biblia sang brosyur nga Mga Saksi ni Jehova—Sin-o Sila? Ano ang Ila Ginapatihan? Ginapatalupangod sang manugbantala ang retrato sa pahina 20 sang brosyur kag ginapaathag sing malip-ot ang Miting Publiko. Sambiton niya ang tig-ulo sang masunod nga pamulongpulong publiko kag agdahon ang estudyante nga magtambong.
Ambahanon 134 kag nagatakop nga pangamuyo.
Semana sang Mayo 23
12 min: Lokal nga mga pahibalo. Basaha ang report sa kuenta kag pagpasalamat sa donasyon. Nagagamit sang mga panugda sa pahina 8, ipasundayag kon paano ipresentar ang Hunyo 1 nga Lalantawan kag ang Hunyo 8 nga Awake!
18 min: “Malapit Na ang Adlaw ni Jehova.”c Kon nagahanda sining bahin, tan-awa ang libro nga Tagna ni Daniel, sa pahina 59, parapo 28.
15 min: “Iskedyul Sang Pamilya—Ang Pagtuon Sang Pamilya.”d Pahandaa sing abanse ang isa ukon duha nga magkomento kon paano nila ginaiskedyul ang ila pagtuon sang pamilya kag kon ano nga panikasog ang ginhimo nila agod mahiwat ini sing regular.
Ambahanon 152 kag nagatakop nga pangamuyo.
Semana sang Mayo 30
10 min: Lokal nga mga pahibalo. Pahanumduma ang mga manugbantala nga ihatag ang ila report para sa Mayo. Sambita ang tanyag nga literatura sa Hunyo. Ipasundayag kon paano ipresentar ang tanyag, nga nagagamit sing isa ukon duha ka ginpanugda nga presentasyon sa suplemento sang Enero 2005 nga Ang Aton Ministeryo sa Ginharian.
20 min: “Iskedyul Sang Pamilya—Ang Matag-adlaw nga Teksto.”e Agdaha ang tumalambong nga magkomento kon paano nakabenepisyo ang ila pamilya gikan sa pagbinagbinag nila sing tingob sa matag-adlaw nga teksto kag kon ano ang nasapwan nila nga praktikal nga iskedyul sa paghimo sini.
15 min: Isaysay ukon ipaakto liwat ang mga eksperiensia sa pag-alagad sa latagon nga natigayon sang Marso, Abril kag Mayo. Pahandaa sing abanse ang isa ukon duha nga magkomento tuhoy sa ila panikasog nga dugangan ang ila pagpakigbahin sa ministeryo sa panag-on sang Memoryal kag sa mga pagpakamaayo nga ila natigayon.
Ambahanon 115 kag nagatakop nga pangamuyo.
Semana sang Hunyo 6
10 min: Lokal nga mga pahibalo.
15 min: Lokal nga mga kinahanglanon.
20 min: “Palambua ang Interes sa Ruta Sang Magasin.”f Kon nagahinun-anon sa parapo 3, ipatalupangod ang Reasoning nga libro, sa pahina 227-32. Ini nga materyal sarang magamit sa paghanda sing isa ka serye sang tig-isa ka teksto nga mga paghinun-anon tuhoy sa kon ano ang himuon sang Ginharian sang Dios. Ilakip ang isa ka pasundayag tuhoy sa kon paano himuon sang isa ka manugbantala ang tig-isa ka teksto nga paghinun-anon sa isa ka ruta sang magasin. Dapat hinun-anunan kag iilustrar sing malip-ot sang manugbantala ang aplikasyon sang teksto agod buligan ang tagbalay nga mahangpan ini sing husto kag makita ang importansia sini sa iya kabuhi.
Ambahanon 107 kag nagatakop nga pangamuyo.
[Mga nota]
a Indi pagpasobrahi sa isa ka minuto ang introduksion, kag sundan ini sang pamangkot-kag-sabat nga paghinun-anon.
b Indi pagpasobrahi sa isa ka minuto ang introduksion, kag sundan ini sang pamangkot-kag-sabat nga paghinun-anon.
c Indi pagpasobrahi sa isa ka minuto ang introduksion, kag sundan ini sang pamangkot-kag-sabat nga paghinun-anon.
d Indi pagpasobrahi sa isa ka minuto ang introduksion, kag sundan ini sang pamangkot-kag-sabat nga paghinun-anon.
e Indi pagpasobrahi sa isa ka minuto ang introduksion, kag sundan ini sang pamangkot-kag-sabat nga paghinun-anon.
f Indi pagpasobrahi sa isa ka minuto ang introduksion, kag sundan ini sang pamangkot-kag-sabat nga paghinun-anon.