Kon Ano ang Isiling Tuhoy sa mga Magasin

Ang Lalantawan Dis. 15

“Madamo nga tawo ang nabalaka nga nangin komersialismo na ang krismas kag bag-ong tuig. Sa banta mo ayhan nadula na sini ang iya katuyuan? [Tuguti sia nga makasabat.] Ini nga magasin nagabinagbinag kon paano ang kinabatasan sa krismas kag bag-ong tuig nagbag-o pagligad sang mga tion. Ginabinagbinag man sini kon paano naton tunay nga mapadunggan ang Dios kag si Cristo.” Basaha ang Juan 17:3.

Awake! Dis. 22

“Mga 85 ka tuig ang nagligad, isa ka epidemia ang nagpatay sang madamo nga tawo sa 24 lang ka semana sangsa napatay sa AIDS sa sulod sang 24 ka tuig. Ang iban nagtawag sini nga pinakamalala nga kalalat-an sang maragtas. Nabatian mo na bala ang trangkaso Espanyola? [Tuguti sia nga makasabat.] Ini nga magasin nagabinagbinag kon bala ina nga kalalat-an mahanabo liwat. Nagahatag man ini sing rason nga maglaum.” Basaha ang Isaias 33:24.

Ang Lalantawan Ene. 1

 “May ikasarang ang mga tawo sa paghimo sing maayo, apang sa masami kalautan ang ila mahimo. Wala ka bala natingala sa sini? [Tuguti sia nga makasabat.] Ini nga magasin nagahatag sing sabat sang Biblia. Nagapaathag man ini kon paano ang maayo magadaug batok sa malaut.” Basaha ang Roma 16:20.

Magmata! Ene.

“Nahunahuna mo bala kon ano ang kahimtangan sang kalibutan 20 ukon 30 ka tuig sugod karon? [Tuguti sia nga makasabat. Nian basaha ang Salmo 119:105.] Ginapaathag sang Biblia ang matabo sa unahan agod nga mahangpan naton kon ano ang matabo sa palaabuton. Ini nga magasin nagausisa sang mga tagna nga nagapakita kon sa diin na kita sa dalagan sang tion kag kon ngaa makasalig kita sang masanag nga palaabuton.”