Kon Ano ang Isiling Tuhoy sa mga Magasin

Ang Lalantawan Mar. 15

“Madamo sa aton ang nagakasubo gid sa pagkapatay sang aton hinigugma. Pamilyar ka bala sa sining makalulugpay nga saad? [Basaha ang Binuhatan 24:15. Nian tuguti sia nga makasabat.] Apang madamo ang nagapalibog kon, Sin-o ang banhawon? San-o ini matabo? Sa diin ini matabo? Ini nga mga pamangkot ginasabat sang Biblia paagi sa sini nga magasin.”

Magmata! Mar.

“Madamo nga tawo ang nagapati nga si Jesus ang Dios. Sing makawiwili, ang disipulo ni Jesus nga si Pedro nagkilala sa iya subong Anak sang Dios. [Basaha ang Mateo 16:16.] Sa banta mo ayhan posible bala para kay Jesus nga mangin Dios kag Anak sang Dios? [Tuguti sia nga makasabat.] Ang artikulo diri sa pahina 12-13 nagabinagbinag sa sini nga pamangkot kag nagasugid sang pagtamod sang Biblia.”

Ang Lalantawan Abr. 1

“Ining bantog nga halambalanon nagapadaku sang kinahanglanon nga pagkuha sang ihibalo sang Dios. [Basaha ang Mateo 4:4.] Apang, madamo nga tawo ang nabudlayan sa paghangop sang Pulong sang Dios. Nabudlayan ka man bala? [Tuguti sia nga makasabat.] Ini nga magasin nagatanyag sang praktikal nga mga panugda nga makabulig sa aton nga mahangpan ang Biblia.”

Magmata! Abr.

“Madamo nga tawo ang nagahingamo sang kalipay, apang daw diutay lang ang nakatigayon sa sini. Sa banta mo ayhan ining nakalista diri makabulig sa mga tawo nga mangin mas malipayon sa ila pagkabuhi? [Ipakita ang kahon sa pahina 9. Nian basaha ang isa sa ginsambit nga mga teksto.] Ining gua sang Magmata! nagabinagbinag sang pasad sa Biblia nga kinahanglanon para sa matuod nga kalipay.”