Kon Paano Gamiton ang Please Follow Up (S-43) nga Pormas
Ini nga pormas pagagamiton lang kon may masapwan ka nga interesado nga indi sakop sang inyo teritoryo ukon nagahambal sing dumuluong nga lenguahe. Bisan pa sang una ginagamit naton ini kon may masumalang kita nga nagahambal sing dumuluong nga lenguahe nagpakita man sila sing interes ukon wala, sa karon ginagamit na lang naton ini kon ang tawo nagpakita sing interes. Apang wala ini naaplikar sa mga apa. Kon may masapwan kita nga apa, interesado man sia ukon indi, dapat gid naton gamiton ang S-43 nga pormas.
Ano ang himuon naton pagkatapos naton mapil-apan ang pormas? Ihatag naton ini sa sekretaryo sang kongregasyon. Kon nahibaluan niya ang kongregasyon nga padal-an sini, ipadala niya ini sa mga gulang sa sina nga kongregasyon para makahimo sila sing kahimusan nga matatap ang interesado. Kon wala niya nahibaluan ang kongregasyon nga nagasakop sa sina nga teritoryo, ipadala niya ini sa sanga talatapan.
Kon ang nasapwan mo nga interesado nga nagahambal sing dumuluong nga lenguahe nagaistar sa inyo teritoryo, mahimo mo anay ipadayon ang pagduaw sa iya kag palambuon ang iya interes asta nga makadtuan sia sang manugbantala gikan sa dumuluong sing lenguahe nga kongregasyon.—Tan-awa ang Nobiembre 2009 Ang Aton Ministeryo sa Ginharian, pahina 4.