Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Pebrero

“Sa banta mo, may organisasyon ayhan ang Dios karon ukon nagapakig-angot lang sia sa kada tawo? [Tuguti sia nga magsabat.] Talupangda ang ginasiling sini parte sa mga tawo nga gin-organisar sang Dios sang una.” Buksi ang pahina 26 sang Pebrero 1 nga Lalantawan, dayon binagbinaga ninyo ang una nga subtitulo kag basaha ang bisan isa lang sa ginsambit nga teksto. Itanyag ang mga magasin kag maghimo sang kahimusan nga magbalik agod binagbinagon ang masunod nga pamangkot.

Ang Lalantawan Pebrero 1

“Sining karon lang, pirme ginadiskusyunan ang parte sa Armagedon. Sa banta mo, may mahimo bala ang mga tawo para punggan ang Armagedon? [Tuguti sia nga magsabat.] Diri naghalin ang tinaga nga ‘Armagedon.’ [Basaha ang Bugna 16:16, dayon ipakita ang cover sang magasin.] Ini nga magasin nagahatag sang sabat gikan sa Biblia sa sini nga mga pamangkot.”

Magmata! Pebrero

“Sa karon madamo ang nanamian sa pagpakigkomunikar sa Internet. Sa banta mo, may mga katalagman bala sa sini nga sahi sang komunikasyon? [Tuguti sia nga magsabat.] Ang Biblia may mga prinsipio nga makabulig sa aton para indi kita mabutang sa katalagman kon naga-Internet. [Buksi ang pahina 6-9, kag binagbinaga ang isa sa mga pamangkot kag ginsambit nga teksto.] Ini nga magasin makabulig sa imo nga mahibaluan kag malikawan ang mga katalagman sa pagpakigkomunikar sa Internet.”