Ipadaku ang Pagsugod sang Pagtuon sa Biblia sa Una nga Sabado

Sugod sang Mayo 2011, ang mga manugbantala ginpalig-on nga sugdan ang pagtuon sa Biblia sa una nga Sabado sang kada bulan. Makabulig sa aton ang artikulo nga “Sabat sa mga Pamangkot sa Biblia” sa tagsa ka gua sang pangpubliko nga edisyon sang Ang Lalantawan. Gani sa miting para sa pag-alagad sa latagon sa una nga Sabado, dapat padakuon kon paano gamiton ini nga artikulo sa pagsugod sing pagtuon sa Biblia kag magpresentar sing isa ka pasundayag.

Ang mga gulang mahimo magdesisyon nga magtipon ang kada grupo sang pag-alagad sa una nga Sabado, ukon magtipon sing tingob ang tanan nga grupo ayhan sa Kingdom Hall. Pero kon may iban pa nga kongregasyon nga nagagamit sang Kingdom Hall, ining pinasahi nga adlaw para sa pagsugod sa pagtuon sa Biblia indi dapat pagsayluhon sa iban nga adlaw para lamang mahiwat sing tingob ang miting para sa pag-alagad sa latagon.