Pagpauswag sang Aton mga Ikasarang sa Ministeryo—Pagrekord sa mga Interesado

“Hatagi sang dalayon nga igtalupangod ang imo kaugalingon kag ang imo panudlo.” (1 Tim. 4:16) Ining inspirado nga laygay ni apostol Pablo kay Timoteo nagapakita nga dapat kita manikasog nga mag-uswag subong ebanghelisador, bag-uhan man kita ukon eksperiensiado na. Para mabuligan kita, isa ka bag-o nga serye ang ipagua sa Ang Aton Ministeryo sa Ginharian nga natig-uluhan “Pagpauswag sang Aton mga Ikasarang sa Ministeryo.” Ang tagsa ka artikulo magabinagbinag sing importante nga ikasarang kag pila ka suhestyon kon paano ini pauswagon. Sa bug-os nga bulan, ginapalig-on ang tanan nga hatagan sing pinasahi nga atension ina nga ikasarang. Pagkatapos sang bulan, may isa ka bahin sa Miting sa Serbisyo nga magahatag sa aton sing kahigayunan nga magkomento kon paano kita nakabenepisyo sa pagpauswag sini nga ikasarang. Sa sini nga bulan ginapalig-on kita nga pauswagon ang pagrekord sa mga interesado.

Kon Ngaa Importante: Agod matuman ang aton asaynment, dapat may himuon pa kita luwas sa pagbantala. Dapat naton balikan ang mga interesado kag tudluan sila, nga ginabunyagan ang mga binhi sang kamatuoran nga aton gintanom. (Mat. 28:19, 20; 1 Cor. 3:6-9) Buot silingon, pangitaon gid naton ang interesado, istoryahan ang iya mga ginakabalak-an, kag padayunon ang aton gin-istoryahan sadto. Gani kon may masapwan kita nga interesado, dapat naton ini irekord.