Baliki ang Tanan nga Nagapakita sing Interes
1 Madamo sa aton ang yara sa kamatuoran subong bangod may nagtalupangod sang aton paborable nga reaksion sa mensahe sang Ginharian kag mapailubon nga nagbalik—ayhan sing pila ka beses—agod mapalambo ina nga interes. Dapat man kita mangin mapisan sa pagbalik sa tanan nga nagpakita sing interes. Sa katunayan, nalakip ang pagduaw liwat sa sugo sa aton nga “maghimo sing mga disipulo.”—Mat. 28:19, 20.
2 Hantupa ang Interes: Bisan pa indi magbaton sing literatura ang isa, ang iya pangguyahon, tenor sang tingog, ukon iya ginahambal mahimo magapakita nga interesado sia sa mensahe sang Ginharian. Bangod sini, mahimo naton sila balikan. Lima ka paagisod nga semana nga ginabalikan sang isa ka utod ang isa ka tawo nga wala napahamtangan sing literatura. Sa ikan-om niya nga pagduaw, nagkuha ang tawo sing literatura, kag sang ulihi nagtuon sa Biblia.
3 Kon masat-uman mo ang interes, baliki gilayon, ayhan pagligad sang pila ka adlaw. Indi paghatagi sing higayon “ang isa nga malauton” nga mag-agaw sang ginsab-ug sa tagipusuon sang isa ka tawo. (Mat. 13:19) Pat-ura gid nga matuman ang imo saad kon nangako ka nga mabalik sa isa ka espesipiko nga tion.—Mat. 5:37.
4 Pagpanaksi sa Kalye: Ginatinguhaan mo bala nga tatapon ang interes nga imo nasapwan sa pagpanaksi sa kalye ukon sa di-pormal nga pagpanaksi? Sa katapusan sang inyo pagsugilanon, mahimo ka magsiling: “Nalipay gid ako sa aton pagsugilanon. Sa diin ko ikaw mahimo kadtuan agod makasugilanon kita liwat?” Kon nagakaigo, mahimo nga ihatag sang pila ka manugbantala sa mga interesado ang numero sang ila telepono ukon mangabay nga magbayluhanay sila sang numero sang telepono. Kon makita ka sang mga tawo nga nagapanaksi sing regular sa sina nga lokasyon, mahimo nga indi sila matahap sa paghatag sa imo sang numero sang ila telepono ukon sang ila adres. Bisan pa kon indi sila maghatag sang impormasyon kon paano sila makontak, mahimo mo man gihapon mapalambo ang ila interes kon masumalang mo sila liwat sa kalye.
5 Malipay gid kita kon maglambo ang tanom nga aton ginabunyagan kag ginakultibar. Sing kaanggid, mangin malipayon gid kita sa aton pagduaw liwat kag pagbulig sa iban nga mag-uswag sa espirituwal. (1 Cor. 3:6) Mangin tulumuron mo nga balikan ang tanan nga nagapakita sing interes.