Alkoholismo—Napanubli Bala?

Suno sa isa ka pagtuon nga ginreport sa The Journal of the American Medical Association, ginabulubanta sang mga siyentipiko, nga ang huyog sa pagkagiyan sa alkohol napanubli paagi sa pila ka espisipiko nga gene sa bahin sang pila ka tawo. Ginabaton sini nga ila napamatud-an ang isa ka gene nga nagabutang sang mga tawo sa katalagman nga magiyan sa alkohol. Walay sapayan, ang mga sientipiko nagapaandam nga wala sing isa lamang ka gene nga nagadul-ong sa pagkagiyan sa alkohol. Ang pangulo sang grupo sang mananalawsaw nagsiling: “Ang maayo nga Ginuo wala maghimo sing isa ka alkoholiko nga gene, kundi sing isa nga mahimo nadalahig sa pagpangita sing kalipay nga mga pagginawi.”

Ang report nagpadayon: “Ang mga mananalawsaw nagsiling nga wala sing isa lamang ka gene, lakip ining isa, ang ginatunaan sang tanan nga porma sing alkoholismo. Ang pila ka tawo nga may yara sang gene nga ila natun-an wala magiyan sa alkohol, samtang ang pila nga wala sang amo nga gene nagiyan sa alkohol . . . Ang sosyal kag kultural nga mga kabangdanan mahimo amo ang ginatunaan sang pagkagiyan sang madamo nga alkoholiko.”