Ang “Mga Nagahupot Integridad” nga Kombension Malapit Na
Ang makalilipay nga apat ka adlaw sang instruksion sa Biblia nagahulat sa inyo sa “Mga Nagahupot Integridad” nga Kombension sang mga Saksi ni Jehova sugod sini nga bulan. Paagi sa nagatudlo nga mga diskurso kag mga interbyu sa eksperiensiado nga mga ministro, kag praktikal nga mga demonstrasyon, iaman ang mapuslanon nga Cristianong panuytoy.
Mangin didto na sa nagabukas nga sesyon sa 1:30 sa Huebes sang hapon. Ang pamulongpulong sang tsirman nga, “Let Integrity Safeguard Us,” magapadaku sang tema sang kombension kag magapukaw sa kalangkag para sa bug-os apat ka adlaw nga programa. Subong man, sa nagabukas nga sesyon mabaton mo ang mangin mapinadayunon nga bulig sa pagpangatarungan sa iban gikan sa Kasulatan.
Sa Biernes sang aga, may yara dramatiko nga presentasyon nga Your Future—A Challenge. Mangin daku gid ini nga pagpalig-on para sa mga pamatan-on. Walay duhaduha nga apresyahon mo gid sing daku kon ano ang imo mabaton sa Biernes amo kon ngaa malangkag ka sa pagpakig-ambit sa iban sa komunidad.
Ang programa sa Sabado puno sang praktikal nga mga instruksion para sa Cristianong pagkabuhi. Ipaathag kon ano ang buot silingon sang paghupot sang imo mata nga simple kag kon paano himuon ang pag-usisa sa imo malaragwayon nga tagipusuon. Ang nagahinakop nga presentasyon sa sina nga adlaw, “Integrity to Truth in a Godless World,” magahatag sa imo sing pila ka matahom nga bagay nga indi lamang mangin bahandi sa imo kundi subong man magahatag sa imo sing daku nga epekto sa aton hilikuton sa pag-alagad sa latagon.
Ang programa sa Domingo, ang katapusan nga adlaw, magapadaku sang de-kostyum nga dramatiko nga presentasyon nga Fear God, Turn Away From Bad, subong man sang pamulongpulong publiko, “God’s Times and Seasons—To What Do They Point?” Sa pagkamatuod isa gid ka makatudlo, makalilipay nga apat-ka adlaw nga programa! TAMBONGI INI!
Sanglit ginatos ka mga kombension ang gin-eskedyul sa madamu nga bahin sang kalibutan, tambongi ang isa nga malapit sa imo puluy-an. Pamangkota ang lokal nga mga Saksi ni Jehova para sa tion kag duog nga pinakamalapit sa imo.