Mas Maayo Pa sa Telebisyon
Ang isa ka iloy gikan sa Indianapolis, Indiana, E.U.A., nagsulat nga para sa iya kuwatro-anyos nga anak nga lalaki, bag-o lang sia nag-order sing ikaduha nga set sang cassette tape sang My Book of Bible Stories. Sia nagtu-ad: “Madamong beses nga samtang kami, ang iya amay kag ako, nagatan-aw sing telebisyon sa sala, yara sia sa kusina nga nagahampang kag nagapamati sa mga sugilanon sa Biblia. Nahuya gid kami amo kon ngaa ginapatay namon ang telebisyon.”
Sia nagahinakop: “Sigurado kami nga ang mga tape sang Bible Stories nakabulig sa iya nga mangin mas kalma kag mas malipayon nga bata. . . . Madamo gid nga salamat.”
Ang pagpamati sa mga cassette sang 116 ka sugilanon sa My Book of Bible Stories isa ka matahom nga paagi para mahibaluan sang mga bata kon tuhoy gid sa ano ang Biblia. Mas madamo ang madumduman sang bata sang sa ginahunahuna mo kon may interes sia. Natukiban sang madamong pamilya nga ang My Book of Bible Stories, upod ang rekording sang libro sa mga cassette tape, amo gid ang ginakinahanglan sa pagpukaw sina nga interes. Para sa kasayuran kon paano mabaton ang mga cassette tape kag ang isa ka kopya sang libro, sulati kag ipadala ang kupon.
Tseke ang isa ukon duha sang masunod:
□Padalhi ako palihog sing kasayuran kon paano makabaton sing kaki vinyl nga album nga may apat ka cassette tape sang My Book of Bible Stories. (Sa Ingles lamang.) (Magsulat sa ubos para sa direksion. Sa guwa sang Pilipinas, sulati ang lokal nga sanga sang Watch Tower para sa impormasyon.)
□Padalhi ako palihog sing kasayuran kon paano makabaton sing may laragway, 256-pahina nga My Book of Bible Stories. (Matigayon man sa Hiligaynon.)