May Yara Bala Kamo Espesipiko nga Order?

¹ Natilawan mo na bala nga magkadto sa miting antes magguwa sa latagon kag natukiban mo nga wala gali ikaw sing mga magasin sa imo bag? Ti, dumduma ang suplemento sang Enero 1996 nga Ang Aton Ministeryo sa Ginharian nga natig-uluhan “Gamita sa Pinakamaayo nga Paagi ang Aton mga Magasin.” Ginsilingan kita sini nga “magtigayon sing pat-od nga order sang magasin,” nga nagasiling: “Mag-order sa utod nga nagauyat sang magasin sing isa ka pat-od nga kadamuon nga kopya kada guwa. Sa sining paagi, kamo sang inyo pamilya may regular nga suplay sang mga magasin.” Ginhimo bala ninyo ini?

² Ngaa indi magpangabay sing espesipiko nga order sang mga magasin? Magabatyag kamo sing daku pa nga responsabilidad sa pagpanagtag sing mga magasin kada semana, kag maagom ninyo ang dugang nga kalipay sa paghimo sini. Kon may yara na kamo espesipiko nga order, binagbinaga liwat kon bala nagakuha kamo sing kadamuon nga ginakinahanglan ninyo para sa kinaandan nga bulan sa ministeryo. Sa pagkamatuod, luyag naton mangin masaligan sa pagkuha sang aton order kada semana kag dapat kabigon nga isa ini ka obligasyon. Kon wala kamo sa kongregasyon sa malawig nga tion, pahibalua ang magazine servant kon bala ihatag niya anay sa iban ang inyo mga magasin tubtob makabalik kamo.

³ Ini man nga suplemento nga ginsambit sa ibabaw nagsiling man nga dapat kita “mag-iskedyul sing regular nga adlaw sang magasin.” Masuportahan bala ninyo ang semanal nga Adlaw Sang Magasin? Subong sang ginapakita sa 1999 Calendar of Jehovah’s Witnesses, ini amo ang kada Sabado sang tuig! Indi pagpakadiutaya ang pagkaimportante sang pagpanagtag sing Ang Lalantawan kag Magmata! Kon manikasog kita nga makigbahin sing bug-os sa hilikuton sa magasin, ‘ginadala naton ang maayong balita tuhoy sa butang nga maayo pa’ sa aton mga isigkatawo.​—⁠Isa. 52:⁠7.