Kon Ano ang Isiling Tuhoy sa mga Magasin

Ang Lalantawan Peb. 15

“Napaligban mo na bala kon paano matuytuyan sing labing maayo ang imo kabuhi kag maghimo sing importante nga mga desisyon? [Pasabta sia.] Ang pila sang labing maayo nga panuytoy, subong sang Bulawanon nga Sulundan, masapwan sa Biblia. [Basaha ang Mateo 7:12.] Anong iban pa nga diosnon nga mga prinsipio ang direkta nga makabulig sa aton? Masapwan mo ang sabat sa sining magasin.”

Awake! Peb. 22

“Matalupangdan mo nga madamong ulubrahan ang nangin labi ka makatalagam. Ining magasin may maayong mga panugda kon paano ini himuon nga luwas sa katalagman. Ginapakita man sini nga ang aton kaayuhan naangot sa kon bala may yara kita timbang nga pagtamod sa sekular nga trabaho. Palihug basaha ini.”

Ang Lalantawan Mar. 1

“Bangod sang tanan nga nagakatabo karon, ang kalabanan sa aton nagapalibog kon ano ang nagahulat sa palaabuton. Sa bantog nga pangamuyo, ginsugid ni Jesucristo ang rason kon ngaa makasalig kita sa palaabuton. [Basaha ang Mateo 6:​9, 10.] Ginahimo liwat sang mga tawo ang mga kasaypanan nga nahimo sang nagligad. Apang sadto, ang mga nagaalagad sa Dios may malipayon nga palaabuton. Ginapakita sining magasin kon paano man kita may malipayon nga palaabuton.”

Magmata! Mar. 8

“Ginapadaku sang Biblia ang importansia sang maayo nga edukasyon. [Basaha ang Hulubaton 2:10, 11.] Narealisar sang kalabanan sa aton kon daw ano gid ka importante nga may yara sangkol nga mga manunudlo ang mga kabataan. Ginapatalupangod sang Magmata! ang importante nga papel sang mga manunudlo, kon paano naton dapat pasalamatan ang ila mga sakripisyo, kag kon ano ang mahimo sang mga ginikanan agod buligan sila sa mabudlay nga hangkat sa ila.”