Kon Ano ang Isiling Tuhoy sa mga Magasin

Ang Lalantawan Peb. 15

“Nagapati ang iban nga ginaguba sang tawo ang duta. Nabalaka ka bala tuhoy sa sini? [Tuguti sia nga makasabat.] Talupangda ining makapalugpay nga saad. [Basaha ang Bugna 11:18.] Ginapresentar sini nga magasin ang impormasyon kon ngaa pinasahi gid ang aton planeta. Ginapakita man sini kon ano ang ginasiling sang Biblia tuhoy sa madangatan sang duta sa palaabuton.”

Magmata! Peb.

“Sa banta mo, amo ayhan ini ang rason kon ngaa lapnag gid ang kagamo sa kalibutan? [Basaha ang 1 Juan 5:19. Nian tuguti sia nga makasabat.] Ginapakita sini nga artikulo kon ano ang ginasiling sang Biblia tuhoy sa identidad sang ‘isa nga malauton’ kag kon paano naton malikawan ang iya gamhanan nga impluwensia.” Ipakita ang artikulo sa pahina 12.

Ang Lalantawan Mar. 1

“Madamo nga tawo ang nagapati nga ang tanan nga pagsimba nagapadulong sa Dios. Sa banta mo importante gid bala kon ano ang relihion sang isa? [Tuguti sia nga makasabat.] Talupangda ini nga panugda. [Basaha ang 1 Juan 4:1.] Ginabinagbinag sini nga magasin kon paano naton tilawan ang mga panudlo agod mahibaluan kon bala naggikan ini sa Dios. Ginapaathag man sini kon paano nagsugod ang nanuhaytuhay nga relihion.”

Magmata! Mar.

“Sa banta mo, ano ang pila sa mga hangkat ang ginaatubang sang mga pamatan-on karon? [Tuguti sia nga makasabat.] Ginapadaku sini nga teksto ang isa ka hangkat—ang pagtigayon sing maayo nga mga abyan. [Basaha ang Hulubaton 13:20.] Ginabinagbinag sini nga magasin ang mga katalagman sa paggamit sang Internet agod makasapo sing mga abyan kag kon paano maamligan ang mga pamatan-on.”