Kon Ano ang Isiling Tuhoy sa mga Magasin

Ang Lalantawan Peb. 1

“Ano sa banta mo ang matabo sa mga pamilya kon iaplikar nila ini nga laygay? [Basaha ang Efeso 4:31. Nian tuguti sia nga makasabat.] Ini nga artikulo nagahatag sing praktikal nga panugda gikan sa Biblia kon paano malubad ang di-paghangpanay kag mahuptan ang kalipay sa pag-asawahay.” Ipresentar ang artikulo sa pahina 18.

Magmata! Peb.

“Nagapati ang iban nga ginatandaan sang Dios ang tanan naton nga sala. Nagapati naman ang iban nga ginapatawad niya ang tanan nga sala, daw ano man ini ka bug-at. Ano sa banta mo? [Tuguti sia nga makasabat. Nian basaha ang Binuhatan 3:19.] Ginabinagbinag sini nga artikulo ang tatlo ka pamaagi nga ginasiling sang Biblia agod kaluy-an sang Dios.” Ipresentar ang artikulo sa pahina 10.

Ang Lalantawan Mar. 1

“Luyag ko mahibaluan ang imo opinyon sa sining pamilyar nga teksto. [Basaha ang Juan 3:16.] Paano ang kamatayon sang isa ka tawo magaresulta sang kabuhi nga walay katapusan sa iban? [Tuguti sia nga makasabat.] Ginabinagbinag sini nga magasin ang makaalayaw nga paathag kon paano kita makabenepisyo sa kamatayon ni Jesus.”

Magmata! Mar.

“Sa banta mo, maayo bala ang tanan nga relihion? [Tuguti sia nga makasabat.] Talupangda kon ano ang ginasiling sang Biblia tuhoy sa pagsimba sang iban. [Basaha ang Marcos 7:7.] Paano naton mahibaluan kon kamatuoran ang ginatudlo sang isa ka relihion kag indi ‘mga sugo sang mga tawo’? May matuod gid bala nga relihion? Ginasabat sini nga magasin ini nga mga pamangkot.”