Kon Ano ang Isiling Tuhoy sa mga Magasin

Ang Lalantawan Peb. 15

“Madamo nga tawo ang nagapalibog kon bala matuod nga persona ang Dios. Ang iban nagasiling nga nagaluntad sia apang nagabatyag sila nga tuman sia kalayo sa ila. Natalupangdan mo bala ini? [Tuguti nga makasabat.] Talupangda kon ngaa ang pagkilala sa Dios importante gid. [Basaha ang Juan 17:⁠3.] Tuhoy sa sini, masapwan mo nga makawiwili ang una nga mga artikulo sini nga magasin.”

Magmata! Mar. 8

“Sa banta mo gintuyo bala sang Dios nga ang mga tawo, pati na ang mga kabataan, mag-antos bangod sang malnutrisyon? [Tuguti nga makasabat.] Talupangda ining makalipay nga saad nga masapwan sa Biblia. [Basaha ang Salmo 72:16.] Ginabinagbinag sining isyu sang Magmata! ang mga kabangdanan sang malnutrisyon kag, sing labi ka importante, ang saad sang Dios nga tapuson ini sa dili madugay.”

Ang Lalantawan Mar. 1

“Luyag namon mahibaluan ang imo opinyon sa sining makawiwili nga kasulatan. [Basaha ang Mate 5:10.] Paano mangin malipayon ang isa ka tawo kon ginahingabot sia? [Tuguti nga makasabat.] Ang una nga duha ka artikulo sa sini nga magasin nagasugid sa pila nga nakahupot sing kalipay walay sapayan sang pag-antos. Mangin interesado ka sa pagbasa kon paano nila ini nahimo.”

Awake! Mar. 8

“Indi ka bala mag-ugyon nga walay sapayan sang mga problema sa kabuhi may rason gihapon nga magpasalamat kita? [Tuguti nga makasabat.] Ang isa ka rason nga magpasalamat amo ang paagi sang pagbuhat sa aton. [Basaha ang Salmo 139:14.] Daw ano ang aton pagpasalamat nga may mga igbalatyag kita nga kinahanglan agod maapresyar ang kabuhi, subong sang ginapakita sining isyu sang Awake!”