Kon Ano ang Isiling Tuhoy sa mga Magasin

Ang Lalantawan Mar. 15

“Magaugyon ka bala nga mas maayo kuntani puy-an ining aton kalibutan kon matarong lamang ang panguluhan? [Tuguti sia sa pagsabat.] Talupangda palihug kon ano ang ginasaad sang Biblia. [Basaha ang Salmo 37:11.] Matigayon naton ining paghidait, nga matabo sa idalom sang pagdumalahan sang himpit nga Lider nga ginapakilala sa sining mga artikulo.”

Magmata! Abr. 8

“Ang mga linog nagtuga sang indi maisip nga kamatayon kag kalaglagan. Ang mga nakalampuwas masami nadulaan sing puluy-an, kag indi na makabawi. Ginapakita sining guwa sang Magmata! kon paano nalandas sang mga biktima ang resulta sang isa ka linog. Ginapaathag man sini kon paano ang mga linog nangin bahin sang isa ka importante gid nga tagna sang Biblia.”

Ang Lalantawan Abr. 1

“Luyag ko ipaambit sa imo ang isa ka makalilipay nga punto sa Biblia. [Basaha ang Mateo 22:37.] Ano sa banta mo ang buot silingon sini? [Tuguti sia sa pagsabat.] Tan-awa ini nga artikulo, ‘Pangitaa ang Dios Paagi sa Imo Tagipusuon kag Hunahuna.’ Tagipusuon lamang bala ang nadalahig sa matuod nga pagtuluuhan, ukon pati man ang hunahuna? Ang sabat makahatag gid sing kasanagan.”

Awake! Apr. 8

“Subong nahibaluan mo, isa ka hangkat ang pagtatap sa isa ka pamilya sa sining mga adlaw, kag mabudlay mangin isa ka iloy. Ini nga guwa sang Awake! may isa ka makapainteres nga paghinun-anon sa tema nga ‘Motherhood—Does It Take a Superwoman?’ Luyag ko ibilin ining kopya sa imo.”