Kon Ano ang Isiling Tuhoy sa mga Magasin

Ang Lalantawan Mar. 15

“Luyag namon nga agdahon ka sa pagsaulog sang Panihapon sang Ginuo sa Domingo, Abril 4. [Ipaathag nga nagagamit sang nalikod nga panghapin sang magasin ukon sang naimprinta nga imbitasyon sa Memoryal. Dayon basaha ang Lucas 22:19.] Ang nahauna nga mga artikulo sini nga isyu sang Ang Lalantawan nagahinun-anon sang kahulugan sini nga hitabo kag kon paano ini ginasaulog.”

Awake! Mar. 22

Pagkatapos masambit ang isa ka makahalanusbo nga hitabo nga ginahunahuna sang mga tawo, mamangkot: “Napaligban mo na bala kon ngaa gintugutan sang Dios nga matabo ini nga mga butang? [Tuguti nga makasabat. Nian basaha ang Santiago 1:​13.] Ini nga artikulo, nga ginsulat ilabi na para sa mga pamatan-on, nagapaathag kon ngaa ang aton mahigugmaon nga Manunuga wala pa magpasilabot agod tapuson ang pag-antos sang mga tawo.”

Ang Lalantawan Abr. 1

“Pila lang ka dinalan ang subong ka misteryoso sa paglaragway sang Biblia sa tanda sang sapat nga mapintas. Nabatian mo na bala ini? [Tuguti nga makasabat. Nian basaha ang Bugna 13:16-​18.] Ang Biblia mismo nagaaman sing mga yabi agod mabuksan ang kahulugan sini nga misteryo. Ini nga magasin nagapaathag kon ano ini.”

Magmata! Abr. 8

“Kalabanan nga tawo pamilyar sa sugilanon sang kabuhi ni Moises. Apang nahibaluan mo bala nga may ginsiling si Moises nga nagaapektar sang aton kabuhi karon? [Tuguti nga makasabat. Nian basaha ang Deuteronomio 18:15.] Ini nga isyu sang Magmata! nagahinun-anon kon sin-o ining gintagna nga manalagna kag kon ano ang iya himuon para sa kaayuhan sang katawhan.”