Kon Ano ang Isiling Tuhoy sa mga Magasin

Ang Lalantawan Peb. 15

“Madamo nga tawo ang natublag bangod sang malain nga mga butang nga ginahimo sa ngalan sang relihion. Ang pila nagabatyag nga ang relihion amo ang gamot sang mga problema sang katawhan. Napaligban mo na bala ini? [Tuguti nga makasabat. Nian basaha ang Bugna 18:24.] Ginabinagbinag sini nga magasin ang ginasiling sang Biblia tuhoy sa sini.”

Awake! Peb. 22

“Madamo nga tawo ang nalipay nga makatuon tuhoy sa mga sapat, kag ang pila nalipay maghupot sa ila. [Tuguti nga makakomento.] Ini nga magasin nagahinun-anon sang pila ka problema kon may hinuptanan. Ginapaathag man sini ang saad sang Dios tuhoy sa tion nga ang mga sapat mangin mahidaiton na sa isa kag isa kag sa mga tawo.” Basaha ang Isaias 11:​6-9.

Ang Lalantawan Mar. 1

“Sang isa ka okasyon, ginpamangkot si Jesucristo: ‘Ano bala ang nahaunang sugo sa tanan?’ Talupangda ang iya sabat. [Basaha ang Marcos 12:​29, 30.] Napaligban mo na bala kon ano ang buot silingon ni Jesus? [Tuguti nga makasabat.] Ang artikulo nga ‘Kon Paano Naton Mapakita ang Aton Gugma sa Dios’ nagabinagbinag sang kahulugan sining bantog nga pinamulong.”

Magmata! Mar. 8

“Kis-a, madamo nga tawo ang nagakabuhi nga nahadlok sa nuklear nga inaway. Sa banta mo ayhan matabo pa ang nuklear nga inaway karon? [Tuguti nga makasabat.] Ini nga magasin nagabinagbinag sang mga hitabo sining karon lang nga nagahilabot sa aton tanan. Ginapaathag man sini ang saad sang Biblia nga isa ka kalibutan nga ang kahadlok wala na.” Basaha ang Sofonias 3:⁠13.