Kon Ano ang Isiling Tuhoy sa mga Magasin

Ang Lalantawan Hun. 15

“Nagabatyag ang pila ka tawo nga si Jesus amo ang labing bantog nga tawo sa maragtas. Ang iban indi magpati nga nagluntad sia. Sa banta mo importante bala kon ano ang aton pagpati tuhoy sa iya? [Pagkatapos makasabat, basaha ang Binuhatan 4:12.] Ano ang pamatuod nga nagkabuhi gid si Jesus diri sa duta? Ini nga magasin nagabinagbinag sina nga pamangkot.”

Awake! Hun. 22

“Madamo nga tawo ang nabalaka tuhoy sa palibot. Sa banta mo ayhan posible nga matipigan ang mga kagulangan sa bug-os nga kalibutan? [Tuguti nga makasabat.] Ini nga magasin nagalaragway sang mga panikasog karon nga masalbar ang mga kagulangan. Ginabinagbinag man sini kon paano ining matahom nga saad sang Dios matuman.” Basaha ang Isaias 11:9.

Ang Lalantawan Hul. 1

“Ang isa sang aton sadsaran nga kinahanglanon subong mga tawo amo ang maghigugma kag pagahigugmaon. [Basaha ang ginkutlo sa kapsion sa pahina 4.] Apang, natalupangdan mo bala nga ang moderno nga katilingban nahuyog nga unahon ang iban nga butang? [Tuguti nga makasabat.] Ini nga magasin nagabinagbinag kon ano ang matuod nga gugma kag kon paano ini palambuon.” Basaha ang 1 Corinto 13:2.

Magmata! Hul. 8

“Nahangawa ang madamo nga mga tawo bangod sang nagadugang nga mga buhat sang walay namunamo nga kasingki. [Sambita ang isa ka halimbawa sa inyo duog, kag tuguti nga makasabat.] Ini nga magasin nagausisa sang pila ka rason nga nagadul-ong sa masingki nga krimen. Nagapaathag man ini kon paano dulaon sing bug-os sang Dios ang krimen kag kasingki.” Basaha ang Salmo 37:10, 11.