Kon Ano ang Isiling Tuhoy sa mga Magasin

Ang Lalantawan Mayo 15

“Sa banta mo magaabot pa bala ang tion nga wala na sing imol sa kalibutan? [Tuguti sia nga makasabat.] Talupangda kon ano ang mga saad sang Dios. [Basaha ang Isaias 65:21.] Ini nga gua sang Ang Lalantawan nagahinun-anon kon paano ining saad mangin matuod.” Kontrataha nga magbalik ka agod binagbinagon ang pamangkot nga: San-o mahanabo ining ginsaad nga pagbag-o?

Magmata! Hun. 8

“Kalabanan nga tawo nakabati nga ang ehersisyo importante sa maayong panglawas, apang madamo ang nagaako nga kulang ang ila ehersisyo. Indi bala nga matuod ini? [Tuguti sia nga makasabat.] Ini nga magasin nagausisa sang mga benepisyo sang regular nga pag-ehersisyo kag nagapanugda sang pila ka paagi kon paano naton ini mahimo bisan masako kita.”

Ang Lalantawan Hun. 1

“Bisan pa nga halos ang tanan nagahambal tuhoy sa paghidait, ang paghiusa sa kalibutan maila sa katawhan. Sa banta mo isa lamang bala ka damgo ang pagtigayon sini? [Tuguti sia nga makasabat.] Ini nga magasin nagapatalupangod sang isa ka gobierno nga makapahiusa sa kalibutan.” Basaha ang Salmo 72:7, 8, kag kontrataha nga mabalik ka agod hinun-anunan kon paano ini matabo.

Magmata! Hun. 8

“Natalupangdan mo bala nga madamo nga tawo ang nabalaka sa paglapnag sang kanser sa panit? [Tuguti sia nga makasabat.] Ini nga gua sang Awake! nagausisa kon ngaa yara kita karon sa daku nga katalagman kag kon ano ang sarang naton mahimo agod maamligan ang aton kaugalingon.” Maghinakop paagi sa pagpaambit sang makalugpay nga saad nga masapwan sa Job 33:25.