Kon Ano ang Isiling Tuhoy sa mga Magasin

Ang Lalantawan Hul. 15

“Madamo ang nakatalupangod sa nagalapnag nga huyog nga ginapain sang mga tawo ang ila kaugalingon. Sa banta mo maalamon bala ini? [Tuguti nga makasabat.] Talupangda ining maalamon nga hulubaton tuhoy sa importansia sang kaupod. [Basaha ang Manugwali 4:​9, 10.] Ginabinagbinag sini nga magasin kon ngaa kinahanglan naton tanan ang iban kag kon paano malubad ang problema sa pagkinaugalingon.”

Magmata! Agos. 8

“Madamo nga tawo ang nagakabalaka sa paglapnag sing pornograpiya. Sa banta mo dapat bala ini kabalak-an? [Tuguti nga makasabat.] Ang praktikal nga laygay nga masapwan sa Biblia makaamlig sa aton. [Basaha ang Efeso 5:​3, 4.] Ini nga magasin nagapakita kon paano naton maamligan ang aton kaugalingon gikan sa sining amat-amat kag makahalalit nga katalagman.”

Ang Lalantawan Agos. 1

“Nahibaluan mo bala nga suno sa isa ka report, kapin sa katunga sang populasyon sang kalibutan ang nagakabuhi sa manubo pa sa $2 kada adlaw? Sa banta mo may mahimo bala agod malubad ini? [Tuguti nga makasabat.] Ini nga isyu sang Ang Lalantawan nagatudlo sang permanente nga solusyon sa kaimulon suno sa ginasiling sang Biblia.”​​—⁠Basaha ang Salmo 72:​12, 13, 16.

Awake! Agos. 8

“Sang nagliligad nga mga tuig, ang mga kalamidad nga tuga sang panahon naghalit sa bug-os nga kalibutan. Ano sa banta mo ang dapat himuon agod mapahaganhagan ang pag-antos nga tuga sini? [Tuguti nga makasabat.] Ini nga magasin nagausisa sang problema sa pagbag-o sang panahon subong man ang solusyon nga mabasa sa Biblia.”—Basaha ang Isaias 35:1.