Kon Ano ang Isiling Tuhoy sa mga Magasin

Ang Lalantawan Hul. 15

“Kon ang hitabo kaangay sini [ipakita ang panghapin sang magasin] ibalita sa mga pamantalaan karon, mahimo magduhaduha ang kalabanan nga mga tawo. Ano sa banta mo? [Tuguti sia nga makasabat. Nian basaha ang Marcos 4:39.] Ano ang ebidensia nga ang mga milagro nga ginhimo ni Jesus matuod? Ini nga gua sang Ang Lalantawan nagausisa sini nga pamangkot.”

Magmata! Agos. 8

“Sa kalibutan karon, pirme nagahimo sing bag-o nga mga pamaagi ang mga kriminal agod tontohon ang inosente nga mga tawo. Nabalaka ka bala sa sini? [Tuguti sia nga makasabat.] Ini nga gua sang Magmata! nagahinun-anon sang pila ka sadsaran nga mga pangandam nga makaamlig sa aton gikan sa pagpangdaya.” Basaha ang Hulubaton 22:3.

Ang Lalantawan Agos. 1

“Bangod nabahinbahin gid ang katawhan, ang pila nagbatyag nga ang lamang nga paagi nga matigayon ang paghidait sa bug-os nga kalibutan amo ang isa ka bug-os kalibutan nga gobierno. Sa banta mo posible ayhan ini? [Tuguti sia nga makasabat. Nian basaha ang Daniel 2:44.] Ini nga magasin nagabinagbinag kon ano ang ginahimo sang Ginharian sang Dios karon kag kon paano sini paluntaron sa dili madugay ang bug-os kalibutan nga paghidait.”

Magmata! Agos. 8

“Tanan kita nasubuan kon mabatian naton ang paghimulos sa mga bata. Ayhan nahunahuna mo, ‘Nagaulikid gid bala ang Dios sa mga kabataan?’ [Tuguti sia nga makasabat. Nian basaha ang Salmo 72:12-14.] Ini nga artikulo nagahinun-anon kon ano ang ginabatyag sang Dios tuhoy sa kabataan kag kon paano niya paluntaron sa dili madugay ang permanente nga kaumpawan sang tanan nga ginamaltratar.”