Kon Ano ang Isiling Tuhoy sa mga Magasin

Ang Lalantawan Peb. 15

“Kon kaisa makabati kita sang mga report tuhoy sa isa kuno ka milagro. [Magsambit sing halimbawa.] Ang pila ka tawo nagapati sa sining mga report. Ang iban naman wala. Ini nga magasin nagausisa kon bala ang ginreport nga mga milagro sa Biblia natabo gid kag kon bala may mga milagro man karon.” Basaha ang Jeremias 32:21.

Magmata! Mar. 8

“Sang dumaan nga mga tion, ginsugo sang Dios ang kabataan nga padunggan ang ila iloy kag ang ila man amay. [Basaha ang Exodo 20:12.] Sa banta mo ginatahod bala sing maayo ang mga iloy karon? [Tuguti sia nga makasabat.] Ini nga magasin nagausisa sang mga hangkat nga ginaatubang sang mga iloy sa nagkalainlain nga duog kag kon paano nila ginaatubang ining mga hangkat.”

Ang Lalantawan Mar. 1

“Sa banta mo mangin mas maayo pa bala nga duog ang kalibutan kon iaplikar sang tanan ini nga laygay? [Basaha ang Roma 12:17, 18. Nian tuguti sia nga makasabat.] Ang makapasubo amo nga may binangig kon kaisa. Ini nga magasin nagapakita kon paano ang pag-aplikar sang laygay sang Biblia makabulig sa aton nga malubad ang binangig kag mapasag-uli ang kalinong.”

Mar. 8

“Kada tuig, nagadugang ang enerhiya nga kinahanglanon. Mahanduraw mo bala kon ano ang matabo kon maubusan kita sing enerhiya? [Tuguti sia nga makasabat.] Ini nga magasin nagahinun-anon sang pag-uswag sa paghimo sing mas matinlo nga mga ginhalinan sang enerhiya. Ginapakilala man sini ang Tuburan sang tanan nga enerhiya.” Basaha ang Isaias 40:26.