Maghimo sing Praktikal nga Iskedyul sang Pamilya

¹ Sa Sermon sa Bukid, ginpalig-on ni Jesus ang iya mga tagpalamati: “Padayon, nian, nga pangitaa anay ang ginharian kag ang iya pagkamatarong.” (Mat. 6:33) Ang isa ka praktikal nga paagi nga maplano ang mga hilikuton sang pamilya agod ang espirituwal nga mga butang mauna, amo ang paghimo sing nasulat nga iskedyul. Maghinguyang sing pila ka minutos sa paghimo sang iskedyul sang imo pamilya kada semana, nga nagagamit sing blangko nga iskedyul sa pahina 6 sini nga suplemento. Subong isa ka proyekto sang pamilya, mahimo luyag sang iban nga guntingon ang panguna nga mga hilikuton kag ipatapik ini sa iskedyul. Ayhan mas luyag sang iban nga isulat na lang ini.

² Ang kaupod nga sampol nga iskedyul makabulig samtang nagahimo ka sang iskedyul. Natalupangdan mo nga may apat lamang ini ka panguna nga hilikuton: (1) pagtambong sa mga miting sa kongregasyon, (2) pag-alagad sa latagon sang pamilya, (3) pagtuon sang pamilya, kag (4) pagbinagbinag sang matag-adlaw nga teksto. Ang paglakip sini sa imo iskedyul makabulig sa imo nga ‘mapat-od ang mas importante nga mga butang.’ (Fil. 1:10) Ang dugang nga panugda sa sining apat ka bahin masapwan sa pahina 4-5.

³ Ang iskedyul sang imo pamilya dapat wala lamang nalimitehan sa sining apat ka hilikuton. Kon nagahanda kamo para sa mga miting subong pamilya, isulat ini sa inyo iskedyul. Kon magbasa kamo sing tingob sang isa ka bahin sang Biblia pagkatapos sang matag-adlaw nga teksto ukon himuon ini sa iban nga tion, isulat ini sa iskedyul. Kon nagalingawlingaw kamo, sarang mo ini malakip sa imo iskedyul.

⁴ Pasibua ang imo iskedyul suno sa mga kinahanglanon kag mga sirkunstansia sang bug-os nga pamilya. Binagbinaga sa pulupanag-on kon bala ini epektibo, kag pasibua kon kinahanglanon.

[Tsart sa pahina 3]

Sampol nga Iskedyul Sang Pamilya

Aga Hapon Gab-i

Dom. Matag-adlaw

nga Teksto

Pamulongpulong Publiko

Pagtinuon sa Lalantawan

Lun. Matag-adlaw Pagtuon Sang Pamilya

nga Teksto

Mar. Matag-adlaw Pagtinuon Sang

nga Teksto Kongregasyon sa Libro

Mie. Matag-adlaw

nga Teksto

Hue. Matag-adlaw Teokratikong

nga Teksto Eskwelahan Para

sa Ministeryo kag

Miting sa Serbisyo

Bie. Matag-adlaw

nga Teksto

Sab. Matag-adlaw

nga Teksto

Pag-alagad sa Latagon Sang Pamilya

(Adlaw Sang Pagpanagtag

Sang Magasin)