Pamangkot

◼ Nagakaigo bala nga ibutang naton ang aton personal nga e-mail address sa mga literatura nga aton ginapanagtag?

Ginabutang sang pila ka manugbantala ang ila personal nga e-mail address sa mga magasin ukon tract nga ila ginapahamtang. Busa, yadtong makabaton sing mga literatura sarang makapakig-angot sa manugbantala agod mangabay sing dugang pa nga impormasyon. Ini nga panikasog sa pagbulig sa mga interesado may maayo nga motibo. Apang, ang aton opisyal nga Web site naimprinta na sa likod sang aton mga magasin kag mga tract. Busa, labing maayo kon indi na naton ibutang ang aton personal nga e-mail address sa mga literatura.

Personal nga desisyon na sang manugbantala kon ihatag niya sa tuhay nga papel kon paano sia makontak sang mga tawo nga iya nabantalaan sa teritoryo, ilabi na para sa pagduaw-liwat. Dapat kita maghimo sing inisyatibo sa pagbalik sa mga interesado sa baylo nga hulaton sila nga makig-angot sa aton agod makatigayon sing dugang pa nga impormasyon. Ang matuod nga personal nga interes mas mapakita naton kon nagapakigsugilanon kita sa tawo sing personal.