Kon Ano ang Isiling Tuhoy sa mga Magasin

Ang Lalantawan Marso 1

“Mabudlay gid maghimo sing husto kon ginapilit kita sang iban nga maghimo sing sala. Ano sa banta mo ang makabulig sa aton agod indi kita masulay? [Tuguti sia sa pagsabat. Dayon basaha ang Hulubaton 29:25.] Mabasa sa sini nga artikulo ang lima ka rason kon ngaa dapat kahadlukan ang Dios sa baylo sangsa tawo.” Ipakita ang artikulo nga nagaumpisa sa pahina 12.

Magmata! Marso

“Tanan kita nalipay kon may maayo kita nga mga abyan. Ano nga mga kinaiya ang nanamian mo gid sa isa ka abyan? [Tuguti sia sa pagsabat.] Tan-awa kon ano ang ginasiling sang Biblia. [Basaha ang Hulubaton 17:17.] Ini nga artikulo may maayo nga mga panugda sa pagpili sang maayo nga mga abyan kag kon paano ka mangin isa ka maayo nga abyan sa iban.” Ipakita ang artikulo nga nagaumpisa sa pahina 18.

Ang Lalantawan Abril 1

“Gusto ko mabatian ang imo opinyon sa ginsiling diri ni Jesus. [Basaha ang Juan 3:3.] Ano sa banta mo ang buot silingon sang mabun-ag liwat? [Tuguti sia sa pagsabat.] Daku ang mangin epekto sa aton kabuhi kag sa aton paglaum sa palaabuton kon mahibaluan naton ang husto nga paghangop sa sining ginsiling ni Jesus. Ginapaathag sini nga magasin kon ngaa.”

Magmata! Abril

“Madamo nga kabataan sa eskwelahan ang ginakapoy gid. Sa banta mo, lain na gid bala ang kahimtangan sang mga kabataan subong kon ipaanggid sa panahon sang ila mga ginikanan? [Tuguti sia sa pagsabat.] Ang sobra nga kakapoy may malain nga epekto. [Basaha ang Manugwali 7:7a.] Ginabinagbinag sa sini nga magasin kon paano mabuligan sang mga may edad ang mga kabataan agod indi sila kapuyon.”