Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Septiembre

“Madamo ang nagapati nga magaabot ang tion nga hukman kita sang Dios base sa aton mga hinimuan. Sa banta mo ang Adlaw sang Paghukom dapat bala kalangkagan ukon kahadlukan? [Tuguti sia nga magsabat.] Talupangda bala ang ginasiling diri.” Ihatag sa tagbalay ang Septiembre 1 nga Lalantawan, kag binagbinaga upod sa iya ang una nga subtitulo sang pahina 16 kag ang isa sa ginsambit nga mga teksto. Itanyag ang magasin, kag maghimo sing kahimusan nga magbalik para binagbinagon ang masunod nga pamangkot.

Ang Lalantawan Septiembre 1

“Sa madamo nga bahin sang kalibutan, ginapakanubo kag ginapintasan ang mga babayi. Makapasubo nga ginaugyunan ini sang pila ka relihion. Sa banta mo nagaulikid gid bala ang Dios sa mga babayi? [Tuguti sia nga magsabat.] Talupangda ang ginasiling sang Biblia kon paano dapat pakig-angutan sang mga bana ang ila asawa. [Basaha ang Efeso 5:28, 29.] Ginapakita sini nga magasin kon ano ang pagtamod sang Dios sa mga babayi.”

Magmata! Septiembre

“Madamo ang nagasiling nga sa ulihi wala na sing mabuhi diri sa duta bangod sa nuklear nga inaway ukon sa natural nga kalamidad, pareho sang pagtupa sang mga asteroid ukon pagbag-o sang klima sang kalibutan. Sa banta mo matabo gid bala ini? [Tuguti sia nga magsabat.] Amo sini ang makalilipay nga promisa sang Biblia. [Basaha ang Salmo 37:29.] Ginabinagbinag sini nga magasin ang pila ka hitabo nga ginakahadlukan sang mga tawo nga magaguba sang kalibutan kag kon ano ang ginasiling sang Biblia parte sa palaabuton.”