Isa ka Maayo nga Paagi nga Mapamatian ang mga Ambahanon sang Ginharian

Ginatamod sang mga alagad sang Dios ang musika subong matahom nga dulot halin kay Jehova. (Sant. 1:17) Madamo nga kongregasyon ang mahinay nga nagapatokar sang mga ambahanon sang Ginharian antes kag pagkatapos sang mga miting. Ang pagpatokar sang mga musika parte sa Ginharian isa ka makaparepresko nga paagi sang pag-abiabi sa aton mga miting. Nagabulig ini nga mahanda ang aton hunahuna sa pagsimba. Ang pagpatokar sang bag-o nga mga ambahanon nagabulig man agod mangin pamilyar kita sa melodiya kag maamba naton ini sing nagakaigo. Nagapadayon ang makapalig-on kag makalilipay nga pag-istoryahanay pagkatapos sang mga miting sa bulig sang nagatokar nga mga musika. Gani, ang hubon sang mga gulang dapat maghimo sing kahimusan nga magpatokar sing musika nga ginagamit ang Mag-amba kay Jehova—Piano Accompaniment antes kag pagkatapos sang miting. Dapat man nila pat-uron nga indi makatublag sa paghambalanay ang katunugon sang musika.