Sampol nga mga Presentasyon

Sa pagsugod sang pagtuon sa Biblia sa una nga Sabado sang Abril

“Pirme namon ginasilingan ang mga tawo nga basahon ang Biblia. Pero madamo ang nabudlayan sa pag-intiendi sini. Amo man bala sini ang imo nabatyagan? [Tuguti sia nga magsabat.] Tan-awa bala kon ano ang ginasiling diri.” Ipakita ang likod sang Abril 1 nga Lalantawan, kag binagbinaga ninyo ang una nga pamangkot kag bisan ang isa lang ka teksto. Itanyag ang mga magasin, kag maghimo sing kahimusan nga magbalik para binagbinagon ang masunod nga pamangkot.

Ang Lalantawa Abril 1

“Ang tanan namon nga naistorya may mga problema gid. Amo nga nagapalibog ang iban kon ano ang kahulugan sang kabuhi. Ano ayhan sa banta mo ang pinakadaku nga rason kon ngaa madamo ang indi malipayon subong? [Tuguti sia nga magsabat.] Ang Biblia nagpasalig nga malapit na lang dulaon sang Dios ang aton mga problema. [Basaha ang Bugna 21:4.] Ini nga magasin nagabinagbinag sang aton palaabuton, kag kon paano naton masapwan ang kahulugan sang aton kabuhi subong.”

Magmata! Abril

“Ang kapintas sa puluy-an problema sa bilog nga kalibutan. Ang iban nagasiling nga bangod ini sa kultura, gindak-an, kag masingki nga kalingawan. Ano sa banta mo ang panguna nga rason sang kapintas sa puluy-an? [Tuguti sia nga magsabat.] Ginapakita sang Biblia kon paano dapat trataron sang mag-asawa ang isa kag isa. [Basaha ang Efeso 5:33.] Ginabinagbinag sini nga magasin ang pila ka pag-asawahay nga nasalbar paagi sa pagsunod sang mga prinsipio sa Biblia.”