Ang Pagpanagtag sing Imbitasyon sa Memoryal Magasugod sa Marso 22

Sa sini nga tuig ang aton kampanya para imbitahon ang mga tawo sa pagtambong sa Memoryal magasugod sa Sabado, Marso 22. Ginapalig-on ang tanan nga makigbahin sing bug-os. Kon Sabado kag Domingo itanyag man naton ang bag-o nga mga magasin kon nagakaigo. Sa una nga Sabado sang Abril, magakonsentrar kita sa pagpanagtag sing imbitasyon sa baylo sang pagsugod sang pagtuon sa Biblia. Pero, kon may maistorya kita nga interesado, tinguhaan naton nga makasugod sang pagtuon sa Biblia. Ang manugtatap sang pag-alagad ang magapat-od kon ang pagpanagtag sing imbitasyon sa publiko nga mga duog makabulig sa kongregasyon nga malab-ot ang madamo nga tawo sa teritoryo. Ilista na subong ang imo mga paryente, kaupod sa trabaho, kaeskwela, ginaduaw liwat, kag iban mo pa nga kilala nga luyag mo agdahon, kag hatagi sila sing imbitasyon kon magsugod na ang pagpanagtag. Kabay nga madamo ang magabuylog sa aton sa pagsaulog sa duha ka pinakadaku nga ekspresyon sang gugma.—Juan 3:16; 15:13.