Gamita sing Maayo ang Daan nga mga Magasin

Ang daan nga mga magasin indi gid mapuslan kon itago ini ukon ihaboy, gani dapat mapanagtag naton ini. Ang isa ka magasin mahimo magpukaw sa interes sang tawo sa kamatuoran kag magpahulag sa iya nga magtawag sa ngalan ni Jehova. (Roma 10:13, 14) Yari ang pila ka panugda kon paano gamiton sing maayo ang daan nga mga magasin.

• Kon nagabantala sa mga teritoryo nga malaka lang makobrehan, mahimo mo bilinan ang mga balay nga wala sing tawo kag ibutang ini sa lugar nga indi makita sang iban.

• Kon nagapanaksi sa publiko nga mga duog, pareho sa terminal sang bus ukon estasyon sang tren, pamangkuta ang mga nagahulat kon gusto nila sing balasahon, dayon ipakita ang pila ka daan nga magasin, kag papilia sila.

• Kon nagakadto sa mga opisina, parlor, klinika, kag iban pa nga kaangay sini sa inyo teritoryo, magbilin sing pila ka daan nga magasin sa waiting area. Mas maayo kon maglisensia anay sa nagadumala kon ara sia. Kon may bastante pa nga magasin sa amo nga lugar, indi na ini pagdugangi.

• Kon nagahanda sa pagduaw liwat, binagbinaga ang interes sang kada tawo nga duawon mo. May pamilya bala sia? Mahilig bala sia magbiyahe? Nanamian bala sia mananom? Usisaa ang daan nga mga magasin kon bala may artikulo nga mahimo niya mauyunan, kag ipakita ini sa iya sa imo pagduaw.

• Kon makita mo liwat ang interesado pagkatapos sang pila ka beses nga wala mo sia masapwan sa iya balay, hatagi sia sing daan nga mga magasin nga wala niya mabasa.