Sampol nga mga Presentasyon
Sa Pagsugod sang Pagtuon sa Biblia sa Una nga Sabado sang Hulyo
“Halos tanan sa aton lugar gusto gid mabuhi sing malawig kag malipayon. Gani gusto namon mahibaluan ang imo sabat sa sini nga pamangkot: Sa banta mo masarangan ayhan sang medisina kag siensia nga mabuhi kita sing walay katapusan? [Tuguti sia nga magsabat.] Talupangda ang ginasiling diri.” Ipakita ang likod sang Hulyo 1 nga Lalantawan, kag binagbinaga ninyo ang una nga pamangkot kag bisan ang isa lang ka teksto. Itanyag ang mga magasin, kag maghimo sing kahimusan nga magbalik para binagbinagon ang masunod nga pamangkot.
Patalupangod: Ini nga presentasyon dapat ipasundayag sa miting para sa pag-alagad sa latagon sa Hulyo 6.
Ang Lalantawan Hulyo 1
“Madamo sa amon naistorya ang may kaugalingon na nga relihion. Pero ang iban nagasiling nga nadulaan na sila sing pagsalig sa relihion. Ano ang imo masiling parte sa relihion? [Tuguti sia nga magsabat.] Naghatag si Jesus sing talaksan nga makabulig sa aton kon nagausisa sang isa ka relihion. [Basaha ang Lucas 6:44a.] Ini nga magasin nagabinagbinag sang pila ka indi maayo nga bunga sang relihion. Ginasabat man sini ang pamangkot nga, May relihion pa bala nga imo masaligan?”
Magmata! Hulyo
“Nagabisita kami diri sa inyo lugar para istoryahan ang isa ka makapasubo nga problema—ang inhustisya. Madamo gani ang nagaprotesta bangod sini. Sa banta mo, mapabag-o ayhan sang pagprotesta ang kahimtangan? [Tuguti sia nga magsabat.] Talupangda ang ginasiling sang Biblia kon ano gid ang magapabag-o sa mga kahimtangan sa duta. [Basaha ang Mateo 6:9, 10.] Ini nga magasin nagasabat sa pamangkot nga, Pagprotesta bala ang sabat?”
Maayong Balita Halin sa Dios!
“Ginabisitahan namon ang mga pamilya diri sa inyo lugar para isugid ang makapalig-on nga mensahe sang Biblia. Madamo sa amon naistorya ang nagapalibog kon ngaa ginatugutan sang mahigugmaon nga Dios ang pag-antos. Sa banta mo bahin ayhan sang orihinal nga katuyuan sang Dios sa duta ang pag-antos?” Tuguti sia nga magsabat. Nian buksi ang Leksion 5, kag basaha kag binagbinaga ang una nga duha ka parapo kag ang nagahilay nga mga teksto. Itanyag ang brosyur, kag maghimo sing kahimusan sa pagbalik para binagbinagon ang masunod nga pamangkot nga nasulat sing madukot.